କଟକ: ନୂଆପାଟଣା ସ୍ଥିତ ଏଲଆଇସି ମଣ୍ଡଳ କାର୍ଯ୍ୟାଳୟରେ ଭାରତୀୟ ଜୀବନବୀମା ନିଗମର 63 ତମ ସଂସ୍ଥାପନା ସପ୍ତାହର ଉଦଘାଟନ ଉତ୍ସବ ଅନୁଷ୍ଠିତ ହୋଇଯାଇଛି। ଚଳିତ ଆର୍ଥିକ ବର୍ଷ କଟକ ମଣ୍ଡଳ 5 ଲକ୍ଷ 60 ହଜାର ନୂତନ ପଲିସ ଓ 9ଶହ କୋଟି ପ୍ରଥମ ବାର୍ଷିକ ପ୍ରିମିୟମ ଆୟର ଲକ୍ଷ ରଖିଛି।
ଡିଭିଜନ 2018-19 ଆର୍ଥିକ ବର୍ଷରେ ସର୍ବାଧିକ ନୂତନ ପଲିସ କରି ସର୍ବଭାରତୀୟ ସ୍ଥରରେ ପଲିସି ସଂଖ୍ୟାରେ ଏକ ନମ୍ବର ସ୍ଥାନ ଅଧିକାର କରିଛି । ସେହିପରି ଦାବି ପ୍ରଦାନରେ ମଧ୍ୟ କଟକ ମଣ୍ଡଳ ମାର୍ଚ୍ଚ 2019 ସୁଦ୍ଧା ପରିପକ୍ବ ଦାବି ଓ ପଲିସି ଅବଧି ଦାବିର 96.5 ପ୍ରତିଶତ ଏବଂ ମୃତ୍ୟୁକାଳୀନ ଦାବିର 99.99 ପ୍ରତିଶତ ସମାଧାନ କରିବାରେ ଉଲ୍ଲେଖନୀୟ ସଫଳତା ପାଇଥିବା ମଣ୍ଡଳ ପ୍ରବନ୍ଧକ ସୂଚନା ଦେଇଛନ୍ତି । ତେବେ ଆଗାମୀ ଦିନରେ ଜନସାଧାରଣଙ୍କ ପାଇଁ ଅନେକ ଆକର୍ଷଣୀୟ ପଲିସ କରାଯିବ ବୋଲି ଉଦଘାଟନୀ ଉତ୍ସବରେ କହିଛନ୍ତି ମଣ୍ଡଳ ପ୍ରବନ୍ଧକ।
କଟକରୁ ନାରାୟଣ ସାହୁ, ଇଟିଭି ଭାରତ
