କଟକ ପୁରୁଣା ରାଉସାପାଟଣାରୁ ଆଉ 5 କୋରୋନା ପଜିଟିଭ ଚିହ୍ନଟ

ଅନେକ ସଚେତନତା ଓ କଟକଣା ସତ୍ତ୍ବେ କଟକରେ କାୟା ବିସ୍ତାର କରୁଛି କୋରୋନା। ଯାହାକୁ ନେଇ ଚିନ୍ତାରେ ପ୍ରଶାସନ । ଅଧିକ ପଢନ୍ତୁ...

କଟକ: ପୁରୁଣା ରାଉସାପାଟଣାକୁ କଣ୍ଟେନମେଣ୍ଟ ଜୋନ ଘୋଷଣା କଲା କଟକ ମହାନଗର ନିଗମ। ଉକ୍ତ ଅଞ୍ଚଳରେ ରବିବାର ଆଉ ୫ଟି ନୂଆ ପଜିଟିଭ ଚିହ୍ନଟ ପରେ ଏଭଳି ନିଷ୍ପତ୍ତି ନେଇଛି ସିଏମସି ।

ଏନେଇ ଉକ୍ତ ଅଞ୍ଚଳ ମଧ୍ୟକୁ ପ୍ରବେଶ ପାଇଁ କଟକଣା ଜାରି କରାଯାଇଛି। କୌଣସି ବାହାର ଲୋକ ସେହି ଅଞ୍ଚଳକୁ ପ୍ରବେଶ କରି ପାରିବେ ନାହିଁ । ସମସ୍ତ ଅତ୍ୟାବଶ୍ୟକ ସାମଗ୍ରୀ ଯୋଗାଇବ ସିଏମସି ।

ସେହିପରି ଘର ଘର ବୁଲି ସାନିଟାଇଜ କରାଯିବ। ମଙ୍ଗଳବାର ଠାରୁ କଣ୍ଟାକ୍ଟ ଟ୍ରେସିଂ କରାଯିବ। ତେବେ ଉକ୍ତ ଅଞ୍ଚଳ ମଧ୍ୟକୁ ଅତ୍ୟାବଶ୍ୟକ ସାମଗ୍ରୀ ଯୋଗାଇବା ପାଇଁ ସରକାରୀ କର୍ମଚାରୀଙ୍କୁ ନିୟୋଜିତ କରାଯାଇଛି।

କଟକରୁ ନାରାୟଣ ସାହୁ, ଇଟିଭି ଭାରତ