ଭୁବନେଶ୍ୱର: ନିର୍ବାଚନ ପୂର୍ବରୁ ବିଜେଡିକୁ ଶକ୍ତ ଧକ୍କା । ଦଳରୁ ଇସ୍ତଫା ଦେଇଛନ୍ତି ନବରଙ୍ଗପୁର ସାଂସଦ ବଳଭଦ୍ର ମାଝୀ । ଗୁରୁବାର ବିଧିବଦ୍ଧ ଭାବେ ସେ ନବୀନ ନିବାସକୁ ଆସି ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି । ଦଳରେ ତାଙ୍କୁ ଅଣଦେଖା କରାଯାଉଥିବା ଅଭିଯୋଗ କରି ଇସ୍ତଫା ଦେଇଥିବା କହିଛନ୍ତି ।
ଏନେଇ ବଳଭଦ୍ର କହିଛନ୍ତି ଯେ, 7 ବର୍ଷ ସରକାରୀ ଚାକିରି ଥିବା ସ୍ବତ୍ତେ ସେ ଏହାକୁ ଛାଡି ବିଜେଡିରେ ସାମିଲ ହୋଇଥିଲେ । ହେଲେ ଦଳରେ ତାଙ୍କୁ ଅଣଦେଖା କରାଯାଉଥିଲା । ଦଳର କୌଣସି କାର୍ଯ୍ୟକ୍ରମରେ ସେ ସାମିଲ ହେଉ ନଥିଲେ । ଦଳର ସୁପ୍ରିମ ନବୀନ ପଟ୍ଟନାୟକ ଓ ତାଙ୍କ ମଧ୍ୟରେ ଅନେକ ପାର୍ଥକ୍ୟ ରହିଥିଲା । ତେଣୁ ସେ ଇସ୍ତଫା ଦେଇଥିବା ଗଣମାଧ୍ୟମ ଆଗରେ ପ୍ରକାଶ କରିଛନ୍ତି । ଆହୁରି କହିଛନ୍ତି ତାଙ୍କ ବିରୋଧରେ ଅପପ୍ରଚାର କରାଯାଉଥିଲା ।