ଭୁବନେଶ୍ବର: ଅପରାଧୀଙ୍କ କବଜାରେ ରାଜଧାନୀ । ଲୁଟେରାଙ୍କ ଟାର୍ଗେଟରେ ମହିଳା । ହେଲେ ସବୁ ଦେଖି ବି ଆଖି ବୁଜିଛି କମିଶନରେଟ ପୋଲିସ । କାରଣ ବିଧାନସଭା ନିକଟରେ ବନ୍ଧା ପଡିଛନ୍ତି ପୋଲିସ କର୍ମଚାରୀ । ନିକଟରେ ଏମିତି ଏକ ଲୁଟ ହୋଇଛି, ଯାହାର ଦୃଶ୍ୟ ସିସିଟିଭିରେ ହୋଇଛି କଏଦ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ନବୀନ ନିବାସ ଠାରୁ ମାତ୍ର କିଛିଦୂରରେ ଘଟିଛି ଏହି ଘଟଣା । ସମୟ ପ୍ରାୟ ରାତି 3ଟା । ସୁଭଦ୍ରା ପାତ୍ର ନାମ୍ନୀ ଜଣେ ମହିଳା ନିଜ ଭାଇଙ୍କ ସହ ଏୟାରପୋର୍ଟ ଥାନା ଅନ୍ତର୍ଗତ ପଳାଶପଲ୍ଲୀରୁ ମାଷ୍ଟରକ୍ୟାଣ୍ଟିନ ଯାଉଥିଲେ । ଯିବା ରାସ୍ତାରେ କାର୍ଗିଲ ରୋଡ ନିକଟରେ ଏହି ଲୁଟେରାଙ୍କ ହାବୁଡରୁ ବର୍ତ୍ତିବାକୁ ଯାଇ ସେ ଏକ ଗଳି ଭିତରକୁ ପଶିଯାଇଥିଲେ । ହେଲେ ଲୁଟେରା ବି ଛାଡିନଥିଲେ ତାଙ୍କ ପିଛା । ଶେଷରେ ସେମାନେ ମହିଳାଙ୍କୁ ଆକ୍ରମଣ କରି ତାଙ୍କ ସୁନା ଚେନ, 75ହଜାର ଟଙ୍କା ନେଇ ଚମ୍ପଟ ମାରିଥିଲେ ।