କେନ୍ଦ୍ରାପଡା କଂଗ୍ରେସ ପ୍ରାର୍ଥୀଙ୍କୁ ପସନ୍ଦ ଅନୁଭବଙ୍କ ସିନେମା

ଅନୁଭବ ଜଣେ ଭଲ ପିଲା । ମୋତେ ତାଙ୍କ ସିନେମା ଭଲ ଲାଗେ । ମୁଁ ତାଙ୍କ ସବୁ ସିନେମା ଦେଖେ । ତାଙ୍କୁ କେନ୍ଦ୍ରାପଡାରେ ପ୍ରାର୍ଥୀ କରି ବିଜେଡି ବଳି ପକାଇଥିବା କହିଛନ୍ତି କଂଗ୍ରେସ ପ୍ରତିଦ୍ବନ୍ଦୀ ଧରଣୀଧର ନାୟକ ।

କଟକ: ଯେତେବେଳେ ପ୍ରତିଶ୍ରୁତି ପ୍ରତାରଣାର ରୂପ ନିଏ, ସେତେବେଳେ ଜନତାଙ୍କ ଜବାବ ବି ସେମିତି କିଛି ମିଳେ । କେନ୍ଦ୍ରାପଡା ଜନତା ଏବେ ସଠିକ ନିଷ୍ପତ୍ତି ନେବେ । ଏଥରର ଲଢେଇ ମାଟି ଓ ପାର୍ଟି ଭିତରେ । ବାହାର ନେତାଙ୍କ ବଟନକୁ ଜନତାଙ୍କ ହାତ ଆଉ ଯିବନି । ଇଟିଭି ଭାରତକୁ ସ୍ବତନ୍ତ୍ର ସାକ୍ଷାତକାର ଦେଇ ଏଭଳି କିଛି ଦୃଢୋକ୍ତି ପ୍ରକାଶ କରିଛନ୍ତି କେନ୍ଦ୍ରାପଡା ଲୋକସଭା ଆସନ ପାଇଁ କଂଗ୍ରେସ ପ୍ରାର୍ଥୀ ହୋଇଥିବା ବରିଷ୍ଠ ଆଇନଜୀବି ଧରଣୀଧର ନାୟକ।

ଧରଣୀ କହିଛନ୍ତି, ଗତ 2014ରେ ମଧ୍ୟ ମୁଁ କଂଗ୍ରେସ ପକ୍ଷରୁ ପ୍ରାର୍ଥୀ ହୋଇଥିଲି । ସେ ସମୟରେ ମୁଁ ପୁରା ନୂଆଁ ଥିଲି । ମାତ୍ର 15 ଦିନ ନିର୍ବାଚନୀ ପ୍ରଚାର କରିଥିଲି । ଆଉ ଏତିକିରେ ମଧ୍ୟ ମତେ 4 ଲକ୍ଷ ଭୋଟ ମିଳିଥିଲା । ଆଉ ଏଥର ମୁଁ ଲୋକଙ୍କ ସାଥୀରେ ଅଛି । କେନ୍ଦ୍ରାପଡାର ପୂର୍ବତନ ସାଂସଦ ବୈଜୟନ୍ତ ପଣ୍ଡା ଲୋକଙ୍କୁ ଯେଉଁସବୁ ପ୍ରତିଶ୍ରୁତି ଦେଇଥିଲେ, ପୂରଣ କରିନାହାଁନ୍ତି । ଏଥର ଜନତା ତାର ଜବାବ ଦେବେ ବୋଲି କହିଛନ୍ତି ଧରଣୀ ।

ଧରଣୀ ଆହୁରି ମଧ୍ୟ କହିଛନ୍ତି ଯେ ଯଦି ଏବେ କୌଣସି ନେତା ଜନତାଙ୍କୁ ବୋକା ଭାବୁଥାଏ, ତେବେ ସେ ହିଁ ସବୁଠି ବଡ ବୋକା । ଏଥର ଲୋକ ବାହାର ଲୋକଙ୍କୁ ଭୋଟ ଦେବେ ନାହିଁ । ଯେ ମା ମାଟି ପାଇଁ କାମ କରିଛି ତାକୁ ହିଁ ଲୋକ ବାଛିବେ । ସୁବିଧାବାଦୀ ନେତା କିମ୍ବା ବାହାରର ନେତାଙ୍କୁ ଏବେ ଉଚିତ ଜବାବ ଦେବାର ସମୟ ବୋଲି କହିଛନ୍ତି ଧରଣୀ ।

ବିଜେଡି ପ୍ରାର୍ଥୀ ଅନୁଭବ ମହାନ୍ତିଙ୍କୁ ନେଇ ମଧ୍ୟ ସେ ପ୍ରତିକ୍ରିୟା ରଖିଛନ୍ତି । ଧରଣୀ କହିଛନ୍ତି, ଅନୁଭବ ଜଣେ ଭଲ ପିଲା । ତାଙ୍କ ସିନେମା ମୋତେ ବହୁତ ଭଲ ଲାଗେ । ମୁଁ ସବୁବେଳେ ତାଙ୍କ ସିନେମା ଦେଖେ । ହେଲେ କେନ୍ଦ୍ରାପଡା ପାଇଁ ସେ ସମ୍ପୂର୍ଣ୍ଣ ନୂଆ । ତାଙ୍କୁ ସେ ପ୍ରାର୍ଥୀ ତ ନୁହେଁ, ବିଜେଡି ବଳି ପକାଇଥିବା ଧରଣୀଧର ନାୟକ ।

କଟକରୁ ନାରାୟଣ ସାହୁ, ଇଟିଭି ଭାରତ