ଭୁବନେଶ୍ୱର: ନିର୍ବାଚନକୁ ଆଉ ଦିନ କେତୋଟି ବାକି ଥିବା ବେଳେ ରାଜ୍ୟ ରାଜନୀତିରେ ହଇଚଇ ସୃଷ୍ଟି ହୋଇଛି । ଦଳ ଅବହେଳା ପ୍ରସଙ୍ଗ ସହ ଟିକେଟ ପ୍ରସଙ୍ଗକୁ ନେଇ ଚାଲିଛି ଦଳ ଡିଆଁ ପର୍ବ । ତେବେ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ବରୀ ସିଂହ ଆଜି ବିଦ୍ଧିବଧ ଭାବେ ବିଜେପିରେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ବିଜେପି ରାଷ୍ଟ୍ରିୟ ଉପସଭାପତି ବୈଜୟନ୍ତ ପଣ୍ଡା, ରାଜ୍ୟ ସଭାପତି ବସନ୍ତ ପଣ୍ଡା, ଦଳର ବରିଷ୍ଠ ନେତା କନକ ବର୍ଦ୍ଧନ ସିଂ ଦେଓଙ୍କ ସମେତ ଅନେକ ବରିଷ୍ଠ କର୍ମୀ ଉପସ୍ଥିତ ରହିଥିଲେ।
ତେବେ ବିଜେପିରେ ଯୋଗଦାନ ପରେ ପ୍ରତ୍ୟୁଷା ନିଜର କ୍ଷୋଭ ପ୍ରକାଶ କରିଛନ୍ତି । ବିଜେଡିରୁ ଟିକେଟ ନମିଳିବା ପରେ ଅସନ୍ତୋଷ ପ୍ରକାଶ କରିଥିଲେ ପ୍ରତ୍ୟୁଷା । ଗତ 20ରେ ବିଜେଡିକୁ ବାଏ ବାଏ କହିବା ପରେ ଅନେକ ଚର୍ଚ୍ଚା ମଧ୍ୟ ସାମ୍ନାକୁ ଆସିଥିଲା । କଂଗ୍ରେସ ଯୋଗଦାନ କରିବା ନେଇ କିଛି ସଙ୍କେତ ଦେଇଥିଲେ ମଧ୍ୟ ଆଜି ପଦ୍ମ ଧରିଛନ୍ତି ପ୍ରତ୍ୟୁଷା । ସେ ନିଜ ପ୍ରତିକ୍ରିୟାରେ କହିଛନ୍ତି ଯେ, ସେ ସର୍ବଦା ନୟାଗଡବାସୀଙ୍କ ସହ ଅଛନ୍ତି । ଦଳରେ ଯୋଗଦାନ ଦେଇଛି ଦଳ ଯାହା କାର୍ଯ୍ୟ ଦେବ ତାହା ସଠିକ ଭାବେ ତୁଲାଇବି ।