ଭୁବନେଶ୍ବର: ଶିକ୍ଷା ଓ ସମାଜ ସେବା କ୍ଷେତ୍ରରେ ଜଡିତ ଥିବା ଅଚ୍ୟୁତ ସାମନ୍ତ ଚଳିତ ସାଧାରଣ ନିର୍ବାଚନରେ ହାସଲ କରିଛନ୍ତି ବିପୁଳ ବିଜୟ । ଯାହାର ଶ୍ରେୟ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଦାନ କରିଛନ୍ତି । ଏହି ଅବସରରେ ସେ ଜଗତସିଂହପୁରର କଲରାବାଙ୍କରୁ କନ୍ଧମାଳ ପହଞ୍ଚିବାର ସମସ୍ତ ଶ୍ରେୟ ମୁଖ୍ୟମନ୍ତ୍ରୀଙ୍କର ବୋଲି କହିବା ସହ ଇଟିଭି ଭାରତ ସହ ବଖାଣିଛନ୍ତି ନିଜର ଅନୁଭୂତି ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଶୁକ୍ରବାର କିସ ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇ ପ୍ରଥମେ ସେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ଜଣେ ସାଧାରଣ ଲୋକ ହିସାବରେ ସବୁବେଳେ ଲୋକମାନଙ୍କ ପାଇଁ କାମ କରି ଆସୁଥିଲି । ବିଜୁ ଜନତା ଦଳରେ ମିଶିବା ପରେ ତାଙ୍କୁ ଗତ ବର୍ଷ ରାଜ୍ୟସଭାକୁ ନିର୍ବାଚିତ କରାଯାଇଥିଲା । ପରେ ଚଳିତ ନିର୍ବାଚନରେ ମୁଖ୍ୟମନ୍ତ୍ରୀ ତାଙ୍କୁ କନ୍ଧମାଳର ନେତୃତ୍ବ ନେବାକୁ ପଠାଇଥିଲେ ।