ଭୁବନେଶ୍ବର: ବିଜେପି ରାସ୍ତାରେ ବିଜେଡି । କିଛି ଦିନ ପୂର୍ବରୁ ବିଜେପି 'ମୋ ଘର ବିଜେପି' ଅଭିଯାନ ଆରମ୍ଭ କରିଥିବା ବେଳେ ଏବେ ସମାନ ରାସ୍ତାରେ ପାଦ ବଢାଇଛି ବିଜେଡି । ଏନେଇ 'ଘରେ ଘରେ ଶଙ୍ଖ, ମତାମତ ଦିଅନ୍ତି ଆପଣ, ପାଳନ କରନ୍ତି ନବୀନ' ନାମରେ ନୂଆ ଅଭିଯାନ ଆରମ୍ଭ କରିବାକୁ ଯାଉଛି ବିଜେଡି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ମାର୍ଚ୍ଚ 5, ମଙ୍ଗଳବାର ପ୍ରବାଦ ପୁରୁଷ ବିଜୁବାବୁଙ୍କ 103ତମ ଜନ୍ମ ଜୟନ୍ତୀ ଥିବାରୁ ଏହି ଦିନ ଦଳର ସଭାପତି ନବୀନ ପଟ୍ଟନାୟକ ନୂଆ ଯୋଜନାର ଶୁଭାରମ୍ଭ କରିବେ । ଅଭିଯାନକୁ ବିଜୁ ମହିଳା ଜନତା ଦଳର କର୍ମକର୍ତ୍ତା ଘରେ ଘରେ ପହଞ୍ଚାଇବାର କାର୍ଯ୍ୟକ୍ରମ ରହିଛି । ଏହି ଯୋଜନାରେ ଲୋକମାନଙ୍କ ସମସ୍ୟାକୁ ତୃଣମୂଳ ସ୍ତରରେ ଆକଳନ କରି ଏହାର ସମାଧାନ କରିବା ସହ ସେମାନଙ୍କ ମତାମତ ଓ ପରାମର୍ଶ ଲୋଡିବେ କର୍ମକର୍ତ୍ତା ।