ଭୁବନେଶ୍ବର: ସଚିବାଳୟରେ ବାତ୍ୟା ପରବର୍ତ୍ତୀ ସ୍ଥିତିର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଚ୍ଚା ଘରେ ଥିବା ଲୋକଙ୍କୁ ନିରାପଦ ସ୍ଥାନକୁ ନେବା ଆମର ପ୍ରଥମ ପଦକ୍ଷେପ ଥିଲା । ପ୍ରାୟ 12 ଲକ୍ଷ ଲୋକଙ୍କୁ ବିଭିନ୍ନ ଆଶ୍ରୟସ୍ଥଳରେ ରଖାଯାଇଛି । ଏବେ ମଧ୍ୟ ରାଜ୍ୟର ବିଭିନ୍ନ ଜିଲ୍ଲାରେ ଫନିର ପ୍ରଭାବ ଜାରି ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ପ୍ରଭାବ ଜାରି ରହିଥିବାରୁ ଓଡିଶା ଅତିକ୍ରମ କରିବା ପରେ ହିଁ ବାତ୍ୟା କ୍ଷୟକ୍ଷତି ଆକଳନ ସମ୍ଭବପର । ତେବେ ପୁରୀ ସବୁଠାରୁ ଅଧିକ କ୍ଷୟକ୍ଷତି ସହିଥିବା ବେଳେ ବିଦ୍ୟୁତ ସେବା ସମ୍ପୂର୍ଣ୍ଣ ଭାବେ ବିପର୍ଯ୍ୟସ୍ତ ହୋଇପଡିଛି । ତେଣୁ ପରିସ୍ଥିତିକୁ ପୁଣି ସ୍ବାଭାବିକ କରିବା ବର୍ତ୍ତମାନ ରାଜ୍ୟ ସରକାରଙ୍କ ପାଇଁ ସବୁଠାରୁ ବଡ ଚ୍ୟାଲେଞ୍ଜ ।