ଭୁବନେଶ୍ବର: ଲୋକସଭା ଓ ବିଧାନସଭା ଆସନ ପାଇଁ ଟିକେଟ୍ ଘୋଷଣା ହେବା ପରେ ଦଳୀୟ କନ୍ଦଳ ତେଜିବାରେ ଲାଗିଛି । ବିଭିନ୍ନ ଦଳରେ ଟିକେଟ୍ ବଣ୍ଟାକୁ ନେଇ ଦେଖାଦେଇଛି ଅସନ୍ତୋଷ । କେତେକ ନେତା ଟିକେଟ୍ ନପାଇ ଦଳ ଛାଡୁଥିବା ବେଳେ ଆଉ କେତେକ ସ୍ବାଧୀନ ଭାବରେ ଛିଡା ହେଉଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ୱର
ତେବେ ଏହି ଟିକେଟ୍ ବଣ୍ଟାକୁ ନେଇ ଆଜି ବିଜେପି ରାଜ୍ୟ କାର୍ଯ୍ୟାଳୟରେ ଧସେଇ ପଶିଛନ୍ତି ଅସନ୍ତୁଷ୍ଟ କର୍ମୀ । ଜୟଦେବ ନିର୍ବାଚନ ମଣ୍ଡଳୀରେ ନରେନ୍ଦ୍ର ନାୟକଙ୍କୁ ଟିକେଟ୍ ଦିଆଯିବାକୁ କର୍ମୀ ବିରୋଧ କରିଛନ୍ତି । ବସନ୍ତ ନାୟକଙ୍କୁ ଟିକେଟ୍ ଦେବାକୁ ଏମାନେ ଦାବି କରିଛନ୍ତି । ଯାହା ବିରୋଧରେ ଆଜି ବିଜେପି କାର୍ଯ୍ୟାଳୟ ସମ୍ମୁଖରେ ବସନ୍ତଙ୍କ ସମର୍ଥକ ଓ ଜୟଦେବ ନିର୍ବାଚନ ମଣ୍ଡଳୀର ବିଜେପି କର୍ମୀ ବିକ୍ଷୋଭ କରିଛନ୍ତି ।