ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଇଟି ବିଧାନସଭା ସିଟରେ ନିର୍ବାଚନ ଲଢିବା ଓ ଜାଲ ଚିଠିକୁ ନେଇ ଚାଲିଥିବା ଆରୋପ ପ୍ରତ୍ୟାରୋପରେ ପରେ ଖାରବେଳ ନଗର ଥାନା ପୋଲିସର ନୋଟିସ ପାଇ ଆଜି ବିଜେପି ମୁଖପାତ୍ର ଗୋଲକ ମହାପାତ୍ର ନିଜ ଉତ୍ତର ରଖିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସୂଚନା ଅନୁସାରେ ଏକ ସାମ୍ବାଦିକ ସମ୍ମିଳନୀରେ ବିଜେପି ଉପସଭାପତି ସମୀର ମହାନ୍ତି, ଦଳର ମୁଖପାତ୍ର ଗୋଲକ ମହାପାତ୍ର ଓ ବିଜେପି ଯୁବ ସଭାପତି ଟଙ୍କଧର ତ୍ରିପାଠୀଏକ ଚିଠି ଦେଖାଇ ସରକାରଙ୍କ ଉପରେ ବର୍ଷିଥିଲେ । ଅଭିଯୋଗ କରିଥିଲେ ଗୁଇନ୍ଦା ଚିଠି ଆଧାରରେ ମୁଖ୍ୟମନ୍ତ୍ରୀ ଦୁଇଟି ଆସନରୁ ନିର୍ବାଚନ ଲଢିବା ପାଇଁ ନିଷ୍ପତ୍ତି ନେଇଛନ୍ତି । ଏହି ଚିଠିକୁ ନେଇ ରାଜନୀତି ତେଜିଥିବାବେଳେ ପୋଲିସ ଡିଜି ମିଛ ବୋଲି କହିଥିଲେ, ପରେ ଖାରବେଳ ନଗର ଥାନାରେ ଏକ ମାମଲା ହୋଇଥିଲା।ପୋଲିସ କମିଶନର ଏହି ଚିଠି କେଉଁଠୁ ଆସିଲା ତାହାର ତଦନ୍ତ ହେବ ବୋଲି କହିଥିଲେ ।