ଭୁବନେଶ୍ବର: ନାମାଙ୍କନ ବିବାଦ ଭିତରେ ଛନ୍ଦି ହୋଇଛନ୍ତି ଭୁବନେଶ୍ବର ମଧ୍ୟ ବିଜେଡି ବିଧାୟକ ପ୍ରାର୍ଥୀ ଅନନ୍ତ ନାରାୟଣ ଜେନା । ନାମାଙ୍କନ ପତ୍ରରେ କିଛି ସ୍ଥାନ ପୂରଣ କରିନଥିବାରୁ ତାଙ୍କ ନାମାଙ୍କନପତ୍ର ନାକଚ କରିବାକୁ ଦାବି କରିଛି ବିଜେପି । ଯାହାକୁ ନେଇ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟରେ ସୃଷ୍ଟି ହୋଇଛି ଅପ୍ରୀତିକର ପରିସ୍ଥିତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଭୁବନେଶ୍ବର ମଧ୍ୟ ବିଜେପି ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନ ଓ ତାଙ୍କ ସମର୍ଥକମାନେ ଅଭିଯୋଗ ରଖିଛନ୍ତି କି ନିର୍ବାଚନ ଆୟୋଗଙ୍କ ନିୟମ ଅନୁସାରେ ନାମାଙ୍କନ ପତ୍ରରେ କୌଣସି ବିଭାଗ ଖାଲି ଛଡ଼ା ଯିବା ବେନିୟମ । କିନ୍ତୁ ବିଜେଡି ବିଧାୟକ ପ୍ରାର୍ଥୀଙ୍କ ନାମାଙ୍କନ ପତ୍ରରେ ଦୁଇଟି ସ୍ଥାନ ଖାଲି ରହିଥିବା ଜଣାପଡିଛି । ତେଣୁ ତାଙ୍କ ନାମାଙ୍କନପତ୍ରକୁ ନାକଚ କରାଯିବା ଦରକାର ବୋଲି ଦାବି କରିଛି ବିଜେପି ।