ଭୁବନେଶ୍ବର: ଓଡିଶା ମୁଖ୍ୟମନ୍ତ୍ରୀଙ୍କ ପ୍ରଶଂସା ଦିଲ୍ଲୀ ଦରବାରରେ । ନବୀନ ପଟ୍ଟନାୟକଙ୍କୁ ପ୍ରଶଂସାରେ ପୋତିଛନ୍ତି ଦିଲ୍ଲୀ ବିଧାୟିକା ଅଳକା ଲମ୍ବା । ସେ ତାଙ୍କ ସୋସିଆଲ ମିଡିଆ ଆକାଉଣ୍ଟ ଟ୍ବିଟରରେ ନବୀନଙ୍କ ତାରିଫ କରିଛନ୍ତି ।
ସୂଚନାଯୋଗ୍ୟ ଯେ ଗତ ରବିବାର କେନ୍ଦ୍ରାପଡାରେ ନବୀନ ମହିଳା କାର୍ଡ ଖେଳିଥିଲେ । ଆଗାମୀ ଲୋକସଭା ନିର୍ବାଚନରେ ବିଜେଡି ୩୩ ପ୍ରତିଶତ ମହିଳା ପ୍ରାର୍ଥୀଙ୍କୁ ଟିକେଟ ଦେବ ବୋଲି ସେ ଘୋଷଣା କରିଥିଲେ । ଏଥିପାଇଁ ନବୀନଙ୍କୁ ଧନ୍ୟବାଦ ଦେଇଛନ୍ତି ଅଳକା।
ସେ ଟ୍ବିଟରରେ ଲେଖିଛନ୍ତି ଯେ ଓଡିଶାରେ ଥିଲେ ସେ ବିଜେଡିକୁ ଭୋଟ ଦେଇଥାନ୍ତେ । ଏପରି ପଦକ୍ଷେପ ନେବାରେ ନବୀନ ପ୍ରଥମ ରାଜନେତା ବୋଲି ସେ ପରିପ୍ରକାଶ କରିଛନ୍ତି । ଏହାସହ ଓଡିଶା ଭୋଟରଙ୍କୁ ସେ ସମସ୍ତ ମହିଳା ପ୍ରାର୍ଥୀଙ୍କୁ ଭୋଟ ଦେବାକୁ ନିବେଦନ କରିଛନ୍ତି । ସେମାନେ ଯେପରି ଜିତିବେ ସେଥିପାଇଁ ମଧ୍ୟ ଉଦ୍ୟମ କରିବାକୁ ଅଳକା କହିଛନ୍ତି ।
ଅଳକା ଆମ ଆଦମୀ ପାର୍ଟି(ଆପ୍) ଦଳରୁ ଦିଲ୍ଲୀ ଚାନ୍ଦିନୀ ଚୌକର ବିଧାୟିକା ଅଛନ୍ତି । ପୂର୍ବରୁ ସେ 20 ବର୍ଷ ଧରି କଂଗ୍ରେସ ଦଳରେ ରହିଥିଲେ ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
