ବୌଦ୍ଧ:ଶ୍ରମିକଙ୍କୁ ମିଳୁନି ପାରିଶ୍ରମିକ । ତିନି ତିନିଜଣ ଠିକାଦାରଙ୍କ ପାଖରେ କାମ କରିବା ପରେ ବି ପାଉଣାରୁ ବଞ୍ଚିତ ହୋଇଛନ୍ତି ଶ୍ରମିକ । ଏନେଇ ବିଭାଗୀୟ ଅଧିକାରୀଙ୍କୁ ଗୁହାରୀ କରିବା ପରେ ବି କେହି କର୍ଣ୍ଣପାତ କରିନଥିବା କହିଛନ୍ତି ଶ୍ରମିକ । ଅନ୍ୟ କିଛି ଉପାୟ ନ ପାଇ ପ୍ରାପ୍ୟ ପାଇବା ଧାରଣାରେ ବସିଛନ୍ତି ବୌଦ୍ଧ ଜିଲ୍ଲାର କିଛି ଶ୍ରମିକ ।
ଧାରଣାରେ ବସିଲେ ଶ୍ରମିକ
ସୂଚନାଅନୁସାରେ ଲକଡାଉନ ସମୟରେ ଶ୍ରମିକ ଶ୍ରେଣୀ ଗଭୀର ଭାବରେ ପ୍ରଭାବିତ ହୋଇଛନ୍ତି । ପରିବାର ଚଳାଇବା ପାଇଁ ଯାହା କାମ ମିଳୁଥିବା କରୁଥିଲେ । ବୌଦ୍ଧ ଜିଲ୍ଲା ଜଳସେଚନ ବିଭାଗ ଓ କ୍ଷୁଦ୍ର ଜଳସେଚନ ବିଭାଗର ଠିକାକାମ ହାତେଇଥିବା ତିନି ଜଣ ଠିକାଦାରଙ୍କ ପାଖରେ କାମ କରିଥିଲେ କିଛି ଶ୍ରମିକ । କାମ ସରିବା ପରେ ଶ୍ରମିକଙ୍କୁ ସେମାନଙ୍କ ପାଉଣା ମିଳି ନଥିବା ଅଭିଯୋଗ କରିଛନ୍ତି ଶ୍ରମିକ । ଏହା ସହିତ ଠିକାଦାର ଶ୍ରମିକଙ୍କୁ ଧରାଛୁଆଁ ଦେଇନଥିବା ଅଭିଯୋଗ ହୋଇଛି ।