ବୌଦ୍ଧ: ବୌଦ୍ଧ ଜିଲ୍ଲାର ପଡୋଶୀ ଅନୁଗୋଳ ଜିଲ୍ଲାର ବାସୁଦେବପୁର ପଞ୍ଚାୟତରେ ଭାଲୁ ଆକ୍ରମଣରେ ମହିଳା ଗୁରୁତର । ଚାଷକାମ କରିବାକୁ ଯାଇଥିବା ସମୟରେ ଭାଲୁ ଆକ୍ରମଣରେ ଗୁରୁତର ମହିଳା । ଦୀର୍ଘ ସମୟ ଅପେକ୍ଷା କରିଥିଲେ ମଧ୍ୟ ବନ ବିଭାଗ କର୍ମଚାରୀ ପରେ ନପହଞ୍ଚିବା ଯୋଗୁଁ ଗୁରୁତର ମହିଳାଙ୍କୁ ଅଟୋରେ ଆଣି ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଛି ।
ବୌଦ୍ଧ : ଭାଲୁ ଆକ୍ରମଣରେ ଗୁରୁତର ମହିଳା
ଅନୁଗୋଳ ଜିଲ୍ଲା ବାସୁଦେବପୁର ପଞ୍ଚାୟତର ନକଟିଦେଉଳ ଗାଁର ବିମଳ ପେରେକ(୫୦) ଭାଲୁ ଆକ୍ରମଣରେ ଗୁରୁତର ହୋଇଛନ୍ତି । ସୂଚନା ମୁତାବକ ନକଟିଦେଉଳ ଗାଁର ବିମଳ ଶୁକ୍ରବାର ସକାଳ ପ୍ରାୟ ସାତଟା ବେଳେ ନିଜ ଜମିକୁ ଘାସ ବାଛିବା ପାଇଁ ଯାଇଥିଲା ବେଳେ ତିନୋଟି ଭାଲୁ ଏକା ସହ ଅତର୍କିତ ଆକ୍ରମଣ କରିଛନ୍ତି । ଭାଲୁଙ୍କ ସହ ତାଙ୍କର ଧସ୍ତାଧସ୍ତି ହେବାରୁ ଦୁଇଟି ଭାଲୁ ଚାଲିଯାଇଥିଲେ ମଧ୍ୟ ଗୋଟିଏ ଭାଲୁ ବିମଳଙ୍କ ମୁଣ୍ଡ ,ଗୋଡ,ହାତ ଓ ପେଟକୁ ଆକ୍ରମଣ କରି ଚିରି ପକାଇଛି ।