ବୌଦ୍ଧ: ଖାଦ୍ୟ ଅନ୍ବେଷଣରେ ଜନବସତି ମୁହାଁ ହେଉଛନ୍ତି ବନ୍ୟଜନ୍ତୁ । ଜନବସତିରେ ପହଞ୍ଚି ଲୋକମାନଙ୍କୁ କ୍ଷତାକ୍ତ କରୁଥିବା ଘଟଣା ସାମନାକୁ ଆସିଛି । ଗତ ତିନି ଦିନ ମଧ୍ୟରେ ଜିଲ୍ଲାର ବିଭିନ୍ନ ଅଞ୍ଚଳରେ ବନ୍ୟଜନ୍ତୁ ପଶି ଲୋକମାନଙ୍କୁ ହାନି ପହଞ୍ଚାଇବା ସହିତ ନିଜେ ମଧ୍ୟ ବିପଦରେ ପଡିଥିବାର ସୂଚନା ମିଳିଛି ।
ବୌଦ୍ଧରେ ଖାଦ୍ୟ ଅନ୍ବେଷଣ ବନ୍ୟଜନ୍ତୁଙ୍କ ଆତଙ୍କ
ସୂଚନା ମୁତାବକ, ଗତ ତିନି ଦିନ ମଧ୍ୟରେ ଜିଲ୍ଲାର ଦୁଇଟି ସ୍ଥାନରେ ଦୁଇଟି ଘଟଣା ଏବେ ଚର୍ଚ୍ଚାର ବିଷୟ ହୋଇଛି । ଜିଲ୍ଲାର ତଳଗାଁ ପଞ୍ଚାୟତ କାତର୍ଡା ଗ୍ରାମର ଜନୈକ ପରିବାର ରୋଷେଇ ସାରି ଖାଇବାକୁ ବସୁଥିଲା ବେଳେ ଏକ ଜଙ୍ଗଲୀ ଭାଲୁ ଖାଦ୍ୟ ଅନ୍ବେଷଣରେ ଚାଲିଆସି ଦୁଇ ଜଣ ବୃଦ୍ଧ ଦମ୍ପତିଙ୍କୁ ଆକ୍ରମଣ କରିଥିଲା । ଏହି ଆକ୍ରମଣରେ ବୃଦ୍ଧ ଦମ୍ପତି ଗୁରୁତର ଆହତ ହୋଇଛନ୍ତି । ତେବେ ସେମାନଙ୍କୁ କ୍ଷତାକ୍ତ ଅବସ୍ଥାରେ ବୌଦ୍ଧ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।