ବୌଦ୍ଧ: ଜିଲ୍ଲାରେ ଦ୍ରୁତ ଗତିରେ କ୍ଷୟ ହେବାରେ ଲାଗିଛି ଜଙ୍ଗଲ । ଯାହା ଫଳରେ ଖାଦ୍ୟ ଅନ୍ବେଷଣରେ ଜନବସତି ମୁହାଁ ହେଉଛନ୍ତି ବନ୍ୟଜନ୍ତୁ । ତେବେ ଏ ସମ୍ପର୍କରେ ସ୍ଥାନୀୟ ଅଞ୍ଚଳବାସୀ ଗଭୀର ଉଦବେଗ ପ୍ରକାଶ ପାଇଥିବା ଦେଖିବାକୁ ମିଳିଛି ।
ବୌଦ୍ଧରେ ବଢୁଛି ଜଙ୍ଗଲ କ୍ଷୟ, ଜନବସତି ମୁହାଁ ବନ୍ୟଜନ୍ତୁ
ବୌଦ୍ଧ ବନଖଣ୍ଡ ଅଧିନରେ ଥିବା 5ଟି ରେଞ୍ଜର ଅନେକ ଜଙ୍ଗଲରେ ବର୍ତ୍ତମାନ ଅବାଧରେ ଗଛକାଟି ଜଙ୍ଗଲ ନଷ୍ଟ ହେଉଥିବା ଅଭିଯୋଗ ହେଉଛି । ବିଶେଷ ଭାବରେ କଣ୍ଟାମାଳ, ମନମୁଣ୍ଡା ଓ ବୌଦ୍ଧ ରେଞ୍ଜ ଅଧୀନରେ ଅନେକ ଜଙ୍ଗଲରୁ ବ୍ୟାପକ ଗଛକଟା ହେଉଥିବା ସୂଚନା ମିଳିଛି । ଏନେଇ ବନ ବିଭାଗର ସ୍ବତନ୍ତ୍ର ଟାସ୍କଫୋର୍ସ କିଛି ଦିନ ତଳେ କେତେକ କାଠ ମାଫିଆଙ୍କୁ ଧରିବାରେ ସକ୍ଷମ ହୋଇଥିଲେ ମଧ୍ୟ ଜଙ୍ଗଲ ବିଭାଗର କିଛି ଅସାଧୁ କର୍ମଚାରୀଙ୍କ ଯୋଗୁଁ ଜଙ୍ଗଲରେ ଗଛକଟା ହେଉଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହେଉନଥିବା ଜଣାପଡିଛି ।