ବୌଦ୍ଧ: ଜଳବାୟୁ ସହ ଉଭୟ ଖରିଫ ଓ ରବି ଫସଲ ପାଇଁ ଅତ୍ୟନ୍ତ ଉପଯୋଗୀ ମହାନଦୀ ତଟରେ ଅବସ୍ଥିତ ବୌଦ୍ଧ ଜିଲ୍ଲା। ଜିଲ୍ଲାରେ ତେଲ,ଲକ୍ଷ୍ମୀ, ସାଲୁଙ୍କୀ,ବାଘ,ମେହେରୁଣୀ ଭଳି ଅନେକ ନଦୀ ନାଳ ପ୍ରବାହିତ ହେଉଥିବାରୁ ଏଠାକାର ପନିପରିବା ଓ ଋତୁ କାଳୀନ ଫଳମୂଳ ଫସଲର ବେଶ ଚାହିଦା ରହିଛି। ଏହି କ୍ରମରେ ବୌଦ୍ଧରେ ଖରାଦିନେ ଉତ୍ପାଦିତ ତରଭୁଜର ଚାହିଦା ବେଶ ବଢିବାରେ ଲାଗିଛି। କେବଳ ଜିଲ୍ଲାରେ ନୁହେଁ ପୁରା ରାଜ୍ୟରେ ଏହା ସୃଷ୍ଟି କରି ପାରିଛି ଏକ ସ୍ବତନ୍ତ୍ର ପରିଚୟ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ବୌଦ୍ଧ ଜିଲ୍ଲାର ଜାତୀୟ ରାଜପଥ କଡରେ ଗଦା ଗଦା ହୋଇ ବିକ୍ରି ହେଉଛି ତରଭୁଜ। ଗ୍ରୀଷ୍ମ ବଢିବା ସହ ଏହାର ଚାହିଦା ମଧ୍ୟ ବଢିବାରେ ଲାଗିଛି। ଜିଲ୍ଲାର ହରଭଙ୍ଗା ଓ ବୌଦ୍ଧ ବ୍ଲକର ପ୍ରାୟ ୨୦ ରୁ ଅଧିକ ପଞ୍ଚାୟତରେ ଏହି ଚାଷ ଅନେକ ଚାଷୀଙ୍କ ରୋଜଗାରର ମାଧ୍ୟମ ପାଲଟିଥିବା ବେଳେ ଜିଲ୍ଲାକୁ ଦେଇଛି ଏକ ସ୍ବତନ୍ତ୍ର ପରିଚୟ।