ବୌଦ୍ଧ:ଜିଲ୍ଲାରେ ଅଣାୟତ୍ତ ବନ୍ୟା ପରିସ୍ଥିତି । ବନ୍ୟା ପାଣି ରାସ୍ତାରେ ପ୍ରବାହିତ ହେବା କାରଣରୁ ଅନେକ ଅଞ୍ଚଳ ଯୋଗାଯୋଗରୁ ବିଚ୍ଛିନ୍ନ ହେବାସହ ଅନେକ ଚାଷ ଜମି ଜଳମଗ୍ନ ହୋଇଯାଇଛି ।
ବର୍ଷାରେ ବେହାଲ ବୌଦ୍ଧ, ବନ୍ୟାପାଣି ଘେରରେ ହରଭଙ୍ଗା ବ୍ଲକ
ବୌଦ୍ଧ ଜିଲ୍ଲାରେ ରବିବାର ଠାରୁ ମହାନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଥିବା ବେଳେ ହରଭଙ୍ଗା ବ୍ଲକରେ ଅନେକ କ୍ଷୟକ୍ଷତି ହୋଇଛି । ହରଭଙ୍ଗା ବ୍ଲକର ଧଳପୁର, ରାମଗଡ, କୁଶଙ୍ଗ, ହରଭଙ୍ଗା, ସରସରା ଭଳି କେତେକ ପଞ୍ଚାୟତର ଅନେକ ଗ୍ରାମ ବନ୍ୟା ପାଣି ଯୋଗୁଁ ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହିଛି । ବୌଦ୍ଧ ଠାରୁ ହରଭଙ୍ଗା ପର୍ଯ୍ୟନ୍ତ ଯାଇଥିବା ଜଗନ୍ନାଥ ସଡକ ଉପରେ ଆଠରୁ ଦଶ ଫୁଟ ପର୍ଯ୍ୟନ୍ତ ବନ୍ୟା ପାଣି ପ୍ରବାହିତ ହେଉଥିବା ବେଳେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ସ୍ଥାନୀୟ ବାସିନ୍ଦା । ଅନେକ ବନ୍ୟା ଅଞ୍ଚଳରେ ଦୁଇ ଦିନ ହେଲା ବିଦ୍ୟୁତ ସରବରାହ ବନ୍ଦ ରହିଥିବା ବେଳେ ସ୍ବାସ୍ଥ୍ୟ ସେବା କଷ୍ଟକର ହୋଇ ପଡିଛି ।