ବୌଦ୍ଧ: ମୌସୁମୀ ବର୍ଷା ପହଞ୍ଚିନି, ହେଲେ ଅଦିନିଆ ବର୍ଷାରେ ବେହାଲ ହୋଇପଡିଲାଣି ବୌଦ୍ଧ ଜିଲ୍ଲା ମୁଖ୍ୟ ଚିକିତ୍ସାଳୟ । ବୁଧବାର ରାତିରେ ଅଳ୍ପ ବର୍ଷା ପରେ ଡାକ୍ତରଖାନାର ମୁଖ୍ୟ ରାସ୍ତା ତଥା ଶିଶୁ ବିଭାଗର ଠିକ ସାମ୍ନାରେ ଅପରିଷ୍କାର ପାଣି ଲହଡି ମାରୁଥିବା ଦେଖିବାକୁ ମିଳିଥିଲା ।
ଡାକ୍ତରଖାନାର ଉଚ୍ଚ ଅଧିକାରୀଙ୍କ ଠାରୁ ଆରମ୍ଭ କରି ଅନ୍ୟ ସମସ୍ତେ ବାଟକାଟି ଚାଲିଯାଉଥିଲେ ସିନା, ପାଣି ନିଷ୍କାସନ ନେଇ କୌଣସି ପଦକ୍ଷେପ ନେଇ ନଥିଲେ । ଏପଟେ ରୋଗୀ ଓ ରୋଗୀଙ୍କ ସମ୍ପର୍କୀୟ ମୁଖ୍ୟ ଫାଟକରେ ପାଣି ଯୋଗୁଁ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଥିଲେ । ଏହାର ପ୍ରତିକାର କରାଯିବାକୁ ସାଧାରଣରେ ଦାବି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
