ଗୁପ୍ତ ରୀତିନୀତିରେ ଦେବୀ ଭୈରବୀଙ୍କ ଶାରଦୀୟ ଷୋହଳ ପୂଜା

କୋରୋନା କଟକଣା ମଧ୍ୟରେ ଚାଲିଛି ନବରାତ୍ର ପୂଜା । ତେବେ ପୁରୁଣା କଟକ ସ୍ଥିତ ଦେବୀ ଭୈରବୀଙ୍କ ପୀଠରେ ଚାଲିଛି ଗୁପ୍ତ ରୀତିନୀତିରେ ଶାରଦୀୟ ଷୋହଳ ପୂଜା। ଅଧିକ ଖବର ପଢନ୍ତୁ...

ବୌଦ୍ଧ: କୋରୋନା କଟକଣା ମଧ୍ୟରେ ବୌଦ୍ଧ ଜିଲ୍ଲାର ବିଭିନ୍ନ ଦେବୀ ପୀଠରେ ଚାଲିଛି ନବରାତ୍ର ପୂଜା । ଚଳିତ ବର୍ଷ କୋରୋନା ଯୋଗୁଁ ଦେବୀ ପୀଠ ଗୁଡିକରେ କେବଳ ମହିଷା ମର୍ଦିନୀ ଦେବୀ ଦୁର୍ଗାଙ୍କ ପୂଜା ରୀତିନୀତି ଅନୁଷ୍ଠିତ ହେଉଛି।

ବୌଦ୍ଧ ସହରର ମାଳିସାହି ପୂଜା ମଣ୍ଡପରେ ନବରାତ୍ର ପୂର୍ବ ନିରାଡମ୍ବର ଭାବରେ ଅନୁଷ୍ଠିତ ହେଉଛି । ସେପଟେ ବୌଦ୍ଧର ଈଷ୍ଟଦେବୀ ମା ଭୈରବୀଙ୍କ ପୀଠରେ ଶାରଦୀୟ ଷୋହଳ ପୂଜାର ଅଂଶ ବିଶେଷ ଗୁପ୍ତ ରୀତିନୀତିରେ ପୂଜାର୍ଚ୍ଚନା ଚାଲିଛି।

ବର୍ତ୍ତମାନ ଦେବୀ ଭୈରବୀଙ୍କ ସାଧାରଣ ଦର୍ଶନ ସମ୍ପୂର୍ଣ୍ଣ ନିଷେଧ ଥିବା ବେଳେ କେବଳ ପୂଜକ ଓ ସେବାୟତ ଭୈରବୀ ମନ୍ଦିରରେ ପ୍ରବେଶର ଅନୁମତି ରହିଛି । ତେବେ କୋରୋନା କଟକଣା ଯୋଗୁଁ ସେବାୟତଙ୍କ ଆର୍ଥିକ ଅବସ୍ଥା ଅତ୍ୟନ୍ତ ଗୁରୁତର ହୋଇପଡିଥିବା ସେବାୟତ ମାନେ କହିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ