ହାଇକୋର୍ଟଙ୍କ ଅଭିନବ ରାୟ, ଅଭିଯୁକ୍ତକୁ ଶହେ ବୃକ୍ଷ ରୋପଣ ପାଇଁ ନିର୍ଦ୍ଦେଶ

ମାନ୍ୟବର ହାଇକୋର୍ଟ ବିଚାରପତିଙ୍କ ଅଭିନବ ରାୟ । ଏକ ମାମଲାର ଶୁଣାଣୀ କରି ଅଭିଯୁକ୍ତକୁ ଶହେ ଗଛ ଲଗାଇବା ପାଇଁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି । ଅଧିକ ପଢନ୍ତୁ...

ବୌଦ୍ଧ: ମାନ୍ୟବର ହାଇକୋର୍ଟ ବିଚାରପତିଙ୍କ ଅଭିନବ ରାୟ । ଏକ ମାମଲାର ଶୁଣାଣୀ କରି ଅଭିଯୁକ୍ତକୁ ଶହେ ଗଛ ଲଗାଇବା ପାଇଁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି । ବୌଦ୍ଧ ଜିଲ୍ଲା ବାଉଁଶୁଣୀ ଥାନା ଅନ୍ତର୍ଗତ ମୁଣ୍ଡିପଦର ଗାଁର ଜନୈକ ଯୁବକଙ୍କୁ ଏଭଳି ସର୍ତ୍ତ ରଖିଛନ୍ତି ମାନ୍ୟବର ହାଇକୋର୍ଟ ।

ଅଭିଯୁକ୍ତ ଜାମିନରେ ଯିବା ପରେ ନିଜ ଗାଁରେ ଶହେଟି ବୃକ୍ଷରୋପଣ ସହିତ ଆଗାମୀ ତିନି ମାସ ପର୍ଯ୍ୟନ୍ତ ପରବର୍ତ୍ତୀ ଉନ୍ନୟନ ରିପୋର୍ଟ ବାଉଁଶୁଣୀ ଥାନାରେ ଫଟୋ ଚିତ୍ର ସହିତ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି । ଏଭଳି ଏକ ପରିବେଶ ସଚେତନ ମୂଳକ ନିର୍ଦ୍ଦେଶ କୁ ବିଭିନ୍ନ ମହଲରୁ ସ୍ବାଗତ କରାଯାଇଛି ।

ସୂଚନା ମୁତାବକ, ବୌଦ୍ଧ ଜିଲ୍ଲାର ମୁଣ୍ଡିପଦର ଗାଁର ଶୁଭ୍ରାଂଶୁ ପ୍ରଧାନ ବୌଦ୍ଧ ଥାନା ଅନ୍ତର୍ଗତ ମଧୁପୁର ଗାଁର ଜଣେ ଝିଅକୁ ବିବାହ ପାଇଁ ବିଫଳ ହୋଇ ଆକ୍ରମଣ ତଥା ଲୁଟ କରିଥିବା ଅଭିଯୋଗ ହୋଇଥିଲା । ଉକ୍ତ ମାମଲାର ବିଚାର କରି ମାନ୍ୟବର ଉଚ୍ଚ ନ୍ୟାୟାଳୟ ଏଭଳି ଏକ ଗୁରୁତ୍ବପୂର୍ଣ୍ଣ ରାୟ ପ୍ରକାଶ କରି ଓଡ଼ିଶାରେ ପ୍ରଥମ ଥର ପାଇଁ ବୃକ୍ଷରୋପଣ ଭଳି ସର୍ତ୍ତ ସହିତ ଅଭିଯୁକ୍ତଙ୍କୁ ଜାମିନ ମଞ୍ଜୁର କରିଛନ୍ତି । ଯାହା ଏବେ ବୌଦ୍ଧ ଜିଲ୍ଲାରେ ଚର୍ଚ୍ଚାର ବିଷୟ ହୋଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ