ବୌଦ୍ଧ: ଆଉ ଦୁଇ ଦିନ ପରେ ଆସୁଛି ସାବିତ୍ରୀ । ଏନେଇ ଫଳ ବଜାରରେ ଦେଖିବାକୁ ମିଳିଛି ସାବିତ୍ରୀ ଓ ସତ୍ୟବାନଙ୍କ ଭିଡ । ହେଲେ ଫଳବଜାରରେ ବଢୁଥିବା ଦରରକୁ ଦେଖି ଛାନିଆ ଗ୍ରାହକ । ଯେଉଁ ଫଳ ଦୁଇ ଦିନ ତଳେ କେଜି ଶହେ ଟଙ୍କାରେ ମିଳୁଥିଲା ତାହା ଆଜି 2ଶହ ଟଙ୍କା ପାର ହୋଇଛି । ଅନ୍ୟପଟେ ପୂଜା ସାମଗ୍ରୀର ଦର ମଧ୍ୟ ବଢିବାରେ ଲାଗିଛି ।
ସହରର ବିଭିନ୍ନ ଫଳ ବଜାରରେ ଚଢା ଦର ଯୋଗୁଁ ଚିନ୍ତାରେ ଗ୍ରାହକ । ଅନ୍ୟପଟେ ସାବିତ୍ରୀ ପାଇଁ ଆବଶ୍ୟକ କାଠ ପାନିଆ, ଚୂଡି, ସିନ୍ଦୂର, କଜଳ, ଦର୍ପଣ ଓ ହଳଦୀ ଆଦିର ଦରଦାମ ବୃଦ୍ଧି ପାଇଥିବାରୁ ଗ୍ରାହକ ଅସନ୍ତୋଷ । ହେଲେ ପୂଜାର ବିଦ୍ଧି ପାଇଁ ଚଢା ଦରରେ ବି ଗ୍ରାହକ ଫଳମୂଳ ଯଥା (ସପୁରୀ, ଆମ୍ବ, ସେଓ, କଦଳୀ, ପଣସ, ଅଙ୍ଗୁର, କମଳା ଓ ତରଭୂଜ) ଆଦି କିଣୁଥିବା ଦେଖିବାକୁ ମିଳୁଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
