ମକା ବୋଝେଇ ଟ୍ରକ ସହ ଡ୍ରାଇଭର ନିଖୋଜ, ଏସପିଙ୍କ ଦ୍ବାରସ୍ଥ ହେଲେ ପରିବାର

ପାଞ୍ଚ ଦିନ ହେଲା ମକା ବୋଝେଇ ଟ୍ରକ ସହିତ ଡ୍ରାଇଭର ନିଖୋଜ। ଏ ଘଟଣାରେ ଡ୍ରାଇଭରଙ୍କ ପରିବାର ଏସପିଙ୍କ ଦ୍ବାରସ୍ଥ।

ବୌଦ୍ଧ: ପାଞ୍ଚ ଦିନ ହେଲା ମକା ବୋଝେଇ ଟ୍ରକ ସହିତ ଡ୍ରାଇଭର ନିଖୋଜ। ଏ ଘଟଣାରେ ପରିବାର ଲୋକ ଏସପିଙ୍କ ଦ୍ବାରସ୍ଥ ହୋଇଛନ୍ତି।

ବୌଦ୍ଧ ଜିଲ୍ଲା ଶଙ୍କୁଳେଇ ପଞ୍ଚାୟତ ପଦାମାଳ ଗାଁର ହେମନ୍ତ ଭୋକ୍ତା ଜଗତସିଂହପୁର ତିର୍ତ୍ତୋଲ ଅଞ୍ଚଳରେ ଜଣଙ୍କ ଟ୍ରକ ଚଳାଉଥିଲେ। ସେ ମକା ଆଣିବାକୁ ନବରଙ୍ଗପୁର ଅଞ୍ଚଳକୁ ଯାଇ ଟ୍ରକ(OR-04N-2245)ରେ ମକା ଆଣି ଫେରୁଥିବାବେଳେ ଗତ 5 ତାରିଖରୁ କେଉଁ ଆଡେ ନିଖୋଜ ହୋଇଯାଇଛନ୍ତି । ଏସମ୍ପର୍କରେ ଗାଡି ମାଲିକ ପରିବାର ଲୋକଙ୍କୁ ଜଣାଇବା ପରେ ସେମାନେ ପ୍ରଥମେ ହରଭଙ୍ଗା ଥାନାରେ ଏତଲା ଦେଇଥିଲେ। ଗତ 8 ତାରିଖରେ ସେମାନେ ଏତଲା ଦେଇଥିବାବେଳେ ମଙ୍ଗଳବାର ଏସପିଙ୍କୁ ଭେଟି ନିଖୋଜ ହେମନ୍ତଙ୍କୁ ଖୋଜିବାକୁ ପରିବାର ଲୋକେ ଅନୁରୋଧ କରିଛନ୍ତି।

ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ