ବୌଦ୍ଧ: ଶ୍ରୀଜଗନ୍ନାଥ ମନ୍ଦିର ବାହାରକୁ ବାହାରିଲେନି ବଡ ଠାକୁର କିମ୍ବା ଗଡିଲାନି ରଥଚକ । ଫଳରେ ହଜାର ହଜାର ଶ୍ରଦ୍ଧାଳୁ ମନ୍ଦିର ବାହାରେ ଠାକୁରଙ୍କୁ ଗୁହାରି ଜଣାଇ ମନଦୁଃଖରେ ଫେରିଲେ । ବୌଦ୍ଧ ଜିଲ୍ଲାର ବିଭିନ୍ନ ଶ୍ରୀଜଗନ୍ନାଥ ମନ୍ଦିରରେ ଆଜି (ସୋମବାର) ପବିତ୍ର ରଥଯାତ୍ରା ଉତ୍ସବକୁ ବାତିଲ କରାଯାଇ କେବଳ ଠାକୁରଙ୍କ ନୀତି କାନ୍ତି ସମ୍ପନ୍ନ ହୋଇଥିଲା । ଜିଲ୍ଲାର ବିଭିନ୍ନ ସହର ସମେତ ସାହାଜପାଲ, ବାଉଁଶୁଣୀ, ମନମୁଣ୍ଡା, କଣ୍ଟାମାଳ, ଚାରିଛକ, ଘଣ୍ଟାପଡା, ହରଭଙ୍ଗା ଭଳି ବିଭିନ୍ନ ସ୍ଥାନରେ ନିର୍ଦ୍ଦିଷ୍ଟ ସେବାୟତଙ୍କୁ ନେଇ ଚତୁର୍ଦ୍ଧା ବିଗ୍ରହଙ୍କ ନବ ଦିନାତ୍ମକ ପର୍ବ ନିରାଡମ୍ବର ଭାବରେ ପାଳନ କରାଯାଇଥିଲା ।
କୋଭିଡ କଟକଣା ମଧ୍ୟରେ ବୌଦ୍ଧରେ ପାଳିତ ହେଲା ଶ୍ରୀଗୁଣ୍ଡିଚା ଯାତ୍ରା