ବୌଦ୍ଧ: ବେପରୁଆ ତଥା ଦ୍ରୁତ ଗତିରେ ଗାଡି ଚାଳନା ତଥା ରାସ୍ତା ଜବରଦଖଲ ଯୋଗୁଁ ସଡକ ଦୁର୍ଘଟଣା ବୃଦ୍ଧି ପାଇବାରେ ଲାଗିଛି । ଉଦବେଗଜନକ ସ୍ଥିତିରେ ସଡକ ଦୁର୍ଘଟଣା । ଦିନକୁ ଦିନ ଜିଲ୍ଲାରେ ସଡକ ଦୁର୍ଘଟଣାରେ ଧନଜୀବନ କ୍ଷୟକ୍ଷତି ହେବାରେ ଲାଗିଛି । ବିଶେଷ ଭାବରେ ବେପରୁଆ ତଥା ଦ୍ରୁତ ଗତିରେ ଗାଡିଚାଳନା ସାଙ୍ଗକୁ ରାସ୍ତା ଗୁଡିକ ଜବରଦଖଲ ଯୋଗୁଁ ଅଧିକାଂଶ ସମୟରେ ସଡକ ଦୁର୍ଘଟଣା ଘଟୁଛି ।
ବଢୁଛି ସଡକ ଜବରଦଖଲ ସମସ୍ୟା, ପୌରପ୍ରଶାସନର କଡା ଆଭିମୁଖ୍ୟ
ସୋମବାର ରାତିରେ ଜହ୍ନାପଙ୍କ ଫାଣ୍ଡି ଅନ୍ତର୍ଗତ ମୁଣ୍ଡାପଡା ପଞ୍ଚାୟତ ଖମାରୀପଡା ଗ୍ରାମର ଜନୈକ ବ୍ୟକ୍ତିଙ୍କ ଘର ଭିତରେ ଏଟ ଟ୍ରକ ଭାରସାମ୍ୟ ହରାଇ ପଶି ଯିବାରୁ ପରିବାରଟି ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଯାଇଛନ୍ତି । ସେପଟେ ବୌଦ୍ଧ ପୌରପରିଷଦ ପକ୍ଷରୁ ସହରର ବିଭିନ୍ନ ରାସ୍ତା ଉପରେ ଦୀର୍ଘ ଦିନ ଧରି ଅବରୋଧ କରି ରଖିଥିବା ଇଟା, ବାଲି, ଗୋଡି ଆଦିକୁ ପୂର୍ବ ସୂଚନା ପ୍ରକାରେ ଉଠାଇ ନିଆଯାଇଛି ।