ବୌଦ୍ଧ: ଦନ୍ତାହାତୀ ମୃତ୍ୟୁର ପାଞ୍ଚ ଦିନ ପରେ ଜଙ୍ଗଲ ବିଭାଗ ଚାରିଜଣ ଅଭିଯୁକ୍ତଙ୍କୁ ଗିରଫ କରିଛି । ସେପଟେ ନିରୀହ ଲୋକଙ୍କୁ ଶାରୀରିକ ନିର୍ଯାତନା ଦିଆଯାଇଥିବା ନେଇ ଏସପିଙ୍କ ପାଖରେ ଲିଖିତ ଅଭିଯୋଗ କରିଛନ୍ତି ସମ୍ପୃକ୍ତ ପରିବାରର ମହିଳା ମାନେ ।
ଦିନକୁ ଦିନ ଜଟିଳ ହେବାରେ ଲାଗିଛି ଦନ୍ତାହାତୀ ମୃତ୍ୟୁ ରହସ୍ୟ । ଗତ ପାଞ୍ଚ ଦିନ ପୂର୍ବରୁ ମାଧପୁର ରେଞ୍ଜ ଅନ୍ତର୍ଗତ ତଳଗାଁ ନିକଟସ୍ଥ ଜଙ୍ଗଲରୁ ଏକ ଦନ୍ତାହାତୀର ଗୁଳି ବିଦ୍ଧ ମୃତ ଦେହ ଠାବ ହୋଇଥିଲା । ତେବେ ତା’ପର ଦିନ ନିକଟସ୍ଥ ଗାଁର ଛ ଜଣ ଯୁବକଙ୍କୁ ଜଙ୍ଗଲ ବିଭାଗ ପଚରାଉଚରା ନାରେ ତିନି ଦିନ ଧରି ଅକଥନୀୟ ଶାରୀରିକ ନିର୍ଯାତନା ଦେଇଥିବା ଅଭିଯୋଗ କରି ମାଧପୁର ରେଞ୍ଜ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ସୋମବାର ସମ୍ପୃକ୍ତ ପରିବାରର ମହିଳା ମାନେ ଏ ସମ୍ପର୍କରେ ବୌଦ୍ଧ ଜିଲ୍ଲାପାଳ ଓ ଏସପିଙ୍କୁ ଭେଟି ଲିଖିତ ଅଭିଯୋଗ କରିଥିଲେ । ଏହାର କେଇ ଘଣ୍ଟା ପରେ ଜଙ୍ଗଲ ବିଭାଗ ଚାରି ଜଣ ଗ୍ରାମବାସୀଙ୍କୁ ଅଭିଯୁକ୍ତ ଦର୍ଶାଇ ଗିରଫ କରିଛି । ମୃତ ଦନ୍ତାହାତୀ ଶରୀରରୁ ଏଗାରଟି ଗୁଳି ବାହାର କରାଯାଇଥିବା ବେଳେ ପ୍ରକୃତ ଶୀକାରୀ ଓ ଦୋଷୀ କିଏ ତାହା ଏବେବି କୁହେଳିକା ମଧ୍ୟରେ ରହିଥିବା ପ୍ରତୀୟମାନ ହେଉଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
