ବୌଦ୍ଧ: ଜିଲ୍ଲାବାସୀଙ୍କ ବହୁ ଦିନର ସ୍ବପ୍ନ ପୂରଣ ହୋଇଛି । ବହୁ ପ୍ରତୀକ୍ଷିତ ଖୋର୍ଦ୍ଧା ବଲାଙ୍ଗୀର ରେଳପଥ କାର୍ଯ୍ୟ ଜିଲ୍ଲାରେ ଦୃତ ଗତିରେ ଆଗେଇ ଚାଲିଛି । ରାଜତନ୍ତ୍ର ଶାସନ କାଳରୁ ଏହି ରେଳପଥ ନିର୍ମାଣ ପାଇଁ ଦାବି ହୋଇ ଆସୁଥିବା ବେଳେ ଆସନ୍ତା ତିନି ବର୍ଷ ମଧ୍ୟରେ ଜିଲ୍ଲାରେ ରେଳ ଚଳାଚଳ କରିବା ନେଇ ସମ୍ଭାବନା ରହିଛି ।
ପୂରଣ ହୋଇଛି ଜିଲ୍ଲାବାସୀଙ୍କ ସ୍ବପ୍ନ, ତିନି ବର୍ଷ ମଧ୍ୟରେ ଗଡିବ ରେଳ
ରେଳପଥ ବିହୀନ ଜିଲ୍ଲାରେ ଆସନ୍ତା ତିନି ବର୍ଷ ମଧ୍ୟରେ ରେଳ ଚଳାଚଳ କରିବା ନେଇ ସମ୍ଭାବନା ସୃଷ୍ଟି ହୋଇଛି । ରେଳପଥ ପାଇଁ ବ୍ରିଟିଶ ସରକାରଙ୍କ ଠାରେ ଦାବି ଉପସ୍ଥାପନ ହୋଇଥିଲା । ତେବେ ରାଜସ୍ବ ଦୃଷ୍ଟି କୋଣରୁ ଏହାକୁ ଏତେଟା ଗୁରୁତ୍ବ ଦିଆଯାଇ ନଥିଲା । ପରବର୍ତ୍ତୀ ସମୟରେ ପୁନର୍ବାର ଦ୍ବିତୀୟ ବିଶ୍ବ ଯୁଦ୍ଧ ପରେ 1945 ମସିହାରେ ଖୋର୍ଦ୍ଧା ଟିଟିଲାଗଡ଼ ରେଳପଥ ପାଇଁ ଏକ ସର୍ଭେ ହୋଇଥିଲା ।