ବୌଦ୍ଧ: ଅଭାଗା ପରିବାର ପାଇଁ ଅଶୁଭ ପାଲଟିଛି ଶୁକ୍ରବାର । ଦୁଇ ବର୍ଷ ତଳେ ଏଭଳି ଶୁକ୍ରବାରରେ ପତ୍ନୀ ଆରପାରିକୁ ଯାଇଥିଲେ । ଏବେ ତାଙ୍କ ଅତୃପ୍ତ ଆତ୍ମା ସ୍ବାମୀଙ୍କୁ ସେହି ଶୁକ୍ରବାର ରେ ଆତ୍ମହତ୍ୟା କରିବାକୁ ପ୍ରବର୍ତ୍ତାଇ ଥିଲେ । ଏଭଳି କିଛି ଭୌତିକ କାଣ୍ଡ ସମ୍ପର୍କରେ ମୃତକଙ୍କ ଭାଇ ଇଟିଭି ଭାରତକୁ ସୂଚନା ଦେଇଛନ୍ତି ।
ସୂଚନା ଅନୁସାରେ, ଗତ ଶୁକ୍ରବାର ଦିନ ଅପରାହ୍ନରେ ବୌଦ୍ଧ ଜିଲ୍ଲା ମନମୁଣ୍ଡା ଥାନା ଠାରୁ କିଛି ମିଟର ଦୂରରେ ଜଣେ ଯୁବକ ହଠାତ ଆତ୍ମହତ୍ୟା କରିଛନ୍ତି । ମୃତକ ଯୁବକ ଅଲେଖ ମେହେରଙ୍କ ସେଭଳି କୌଣସି ଅସୁବିଧା ନଥିଲା । କିନ୍ତୁ ଯୁବକ ଜଣଙ୍କ ଏଭଳି ପଦକ୍ଷେପ ନେବା ପଛରେ ଏକ ଭୌତିକ କାଣ୍ଡ ରହିବା ସମ୍ପର୍କରେ ମୃତକଙ୍କ ଭାଇ ସୂଚନା ଦେଇଛନ୍ତି ।
ଅନ୍ଧବିଶ୍ବାସର ଅନ୍ଧଗଳି, ସ୍ବାମୀଙ୍କୁ ଆତ୍ମହତ୍ୟା କରିବାକୁ ପ୍ରବର୍ତ୍ତାଇଲା ପତ୍ନୀଙ୍କ ପ୍ରେତାତ୍ମା