ବୌଦ୍ଧ: ଜିଲ୍ଲାରେ ନିର୍ମାଣ ଶ୍ରମିକଙ୍କ ନାନାଦି ସମସ୍ୟାକୁ ନେଇ ଶ୍ରମିକ ସଙ୍ଗଠନ ଶ୍ରମ କାର୍ଯ୍ୟାଳୟ ଅଫିସକୁ ଘେରାଉ କରିଛି। ବୌଦ୍ଧ ଜିଲ୍ଲାରେ ପଚାଶ ହଜାରରୁ ଊର୍ଦ୍ଧ୍ବ ନିର୍ମାଣ ଓ ଅନ୍ୟାନ୍ୟ ବର୍ଗର ଶ୍ରମିକ ରହିଥିଲେ ମଧ୍ୟ ସେମାନଙ୍କୁ ଏ ପର୍ଯ୍ୟନ୍ତ ଚିହ୍ନଟ କରାଯାଇ ପାରିନାହିଁ । ଅତ୍ୟନ୍ତ ଧନୀକ ଶ୍ରେଣୀର ତଥା ଗୋଟିଏ ପରିବାରରୁ ଚାରିରୁ ପାଞ୍ଚ ଜଣ ଏଭଳି ଶ୍ରମିକ କାର୍ଡ ହାତେଇଥିବାବେଳେ ଶ୍ରମ ବିଭାଗ କେବଳ ନୀରବ ଦ୍ରଷ୍ଟା ସାଜିଛି ।
ଶ୍ରମିକଙ୍କ ବିଭିନ୍ନ ସମସ୍ୟାକୁ ନେଇ ଶ୍ରମ କାର୍ଯ୍ୟାଳୟ ଘେରିଲା ଏଆଇଟିୟୁସି
ଏପରିକି ସରକାରୀ ଯୋଜନା ମୁତାବକ ଶ୍ରମିକଙ୍କ ପରିବାରକୁ ଶିକ୍ଷା, ବିବାହ ଓ ମୃତ୍ୟୁକାଳୀନ ସହାୟତା ଦୀର୍ଘ ଦିନ ଧରି ପ୍ରଦାନ କରାଯାଉ ନଥିବା ଅଭିଯୋଗ ହୋଇଛି । ଆଉ ଏହାର ପ୍ରତିବାଦରେ ଆଜି(ସୋମବାର) ଜିଲ୍ଲା ଏଆଇଟିୟୁସି ଶ୍ରମିକ ସଂଗଠନ ପକ୍ଷରୁ ଶ୍ରମ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯାଇଥିଲା ।