ବୌଦ୍ଧ: ଜିଲ୍ଲାର ହରଭଙ୍ଗା, ବୌଦ୍ଧ ଓ କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ଦିନକୁ ଦିନ ଖରା ଓ ଗୁଳୁଗୁଳିର ପ୍ରକୋପ ବଢିବାରେ ଲାଗିଛି । ଯାହାଦ୍ବାରା ଅସ୍ତବ୍ୟସ୍ତ ହୋଇପଡିଲେଣି ଜନଜୀବନ । ଜିଲ୍ଲାରେ ଚଳିତବର୍ଷ ତାପମାପକ ଯନ୍ତ୍ର ସ୍ଥାପନ ହୋଇଥିବା କାରଣରୁ ଖାରର ପ୍ରକୋପ ବୃଦ୍ଧି ସହ ଗୁଳିଗୁଳିର ମାତ୍ରାରେ ବୃଦ୍ଧି ବିଷୟରେ ସୂଚନା ମିଳିପାରୁଛି ।
ଗ୍ରୀଷ୍ମ ପ୍ରକୋପ, ତତଲା କଡେଇରେ ଭାଜି ହେଉଛି ବୌଦ୍ଧ
ତେବେ ବର୍ତ୍ତମାନ ଠାରୁ ଜିଲ୍ଲାର ତାପମାତ୍ରା 43 ଡିଗ୍ରୀ ଉପରେ ରହୁଥିବାରୁ ଏହା ଆଗକୁ ଆହୁରି ବଢ଼ିବାର ସମ୍ଭାବନା ରହିଛି । ସେପଟେ ରାଜ୍ୟ ସରକାର ଜିଲ୍ଲାର ଗରମକୁ ଲକ୍ଷ୍ୟ କରି ୟେଲୋ ଓ୍ବାର୍ଣ୍ଣିଂ ଜାରି କରିଛନ୍ତି । ଅସହ୍ୟ ଗରମ ଓ ଗୁଳୁଗୁଳି ଯୋଗୁଁ ଦିନ 10ଟା ବେଳକୁ ରାସ୍ତା ଘାଟ ଖାଲି ହୋଇଯାଉଛି ।