ଅବ୍ୟବସ୍ଥା ଘେରରେ ବୌଦ୍ଧର ଏକମାତ୍ର ସୁଧାର ଗୃହ

ବୌଦ୍ଧରେ ରହିଥିବା ଏକମାତ୍ର ସୁଧାର ଗୃହ ଅବ୍ୟବସ୍ଥା ଘେରରେ ରହିଥିବା ଦେଖିବାକୁ ମିଳିଛି । ଅଧିକ ପଢନ୍ତୁ..

ବୌଦ୍ଧ: ଅବ୍ୟବସ୍ଥା ଘେରରେ ଜିଲ୍ଲାର ଏକମାତ୍ର ସୁଧାର ଗୃହ। ସୁଧାର ଗୃହର ପାଚେରୀ ନଥିବା ବେଳେ ରୋଷେଇ ପାଇଁ ଗ୍ୟାସ ସଂଯୋଗ ଦିଆଯାଇନାହିଁ । ଅନେକ ସମୟରେ ଏଠାରେ ସର୍ବନିମ୍ନ ସୁବିଧା ସୁଯୋଗର ଅଭାବ ଥିବା ଦେଖିବାକୁ ମିଳିଛି । ଏ ସଂପର୍କରେ ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ଅନ୍ତେବାସୀମାନେ ଦାବି କରିଛନ୍ତି ।

ବୌଦ୍ଧ ଜିଲ୍ଲାର ନାରାୟଣପୁର ଗାଁ ନିକଟରେ ରହିଛି ଜିଲ୍ଲାର ଏକମାତ୍ର ସୁଧାର ଗୃହ । 26 ଜଣ ଅନ୍ତେବାସୀ ଥିବା ଏହି ସୁଧାର ଗୃହର ଚାରିଜଣ ମହିଳା ଭିନ୍ନକ୍ଷମ ରହିଥିବା ବେଳେ ଏମାନଙ୍କୁ ଆଜିଯାଏ ଚିହ୍ନଟ କରାଯାଇ ପାରୁନାହିଁ । ଫଳରେ ଏମାନେ ସରକାରୀ ସାମାଜିକ ସୁରକ୍ଷା ଯୋଜନାରେ ସାମିଲ ହୋଇ ପାରୁ ନାହାନ୍ତି ।

ଏଥିସହ ସୁଧାର ଗୃହର ପାଚେରୀ ନାହିଁ ଏବଂ ରୋଷେଇ ପାଇଁ ଗ୍ୟାସ ଚୁଲି ନଥିବାରୁ ସେଠାରେ ବାଧ୍ୟ ହୋଇ କାଠରେ ରୋଷେଇ କରିବାକୁ ପଡୁଛି । ଅନ୍ତେବାସୀଙ୍କ ଆର୍ଥିକ ସ୍ଥିତିକୁ ଦୃଷ୍ଟିରେ ରଖି ଧୂପକାଠି କାର୍ଯ୍ୟ ହାତକୁ ନିଆଯାଇଛି । କିନ୍ତୁ ସୁଧାର ଗୃହର ସର୍ବନିମ୍ନ ସୁବିଧା ଅଭାବ ଯୋଗୁଁ ବିଭିନ୍ନ ସମୟରେ ଏଠାରେ ଅଭାବନୀୟ ପରିସ୍ଥିତି ସୃଷ୍ଟି ହେଉଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ