ବୌଦ୍ଧ: ଜିଲ୍ଲାରେ ଚାଲିଛି ଖୋର୍ଦ୍ଧା-ବଲାଙ୍ଗୀର ରେଳପଥ ନିର୍ମାଣ କାର୍ଯ୍ୟ । ଏହି ପ୍ରକଳ୍ପ ଦ୍ବାରା କ୍ଷତିଗ୍ରସ୍ତ ଦୁଇଟି ପରିବାରକୁ ଆଦୌ କୌଣସି ସରକାରୀ ସହାୟତା ମିଳିନଥିବା ଅଭିଯୋଗ କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିବା ସୂଚନା ।
ତେବେ ଚାରିଛକ ଠାରୁ ବାଣୀଗୋଛା ପର୍ଯ୍ୟନ୍ତ ବ୍ୟାପକ ଜଙ୍ଗଲ ଅଞ୍ଚଳ ଥିବା ଯୋଗୁଁ ଏନେଇ କୌଣସି ଅଗ୍ରଗତି ଘଟିପାରି ନାହିଁ । ଏହି ସମୁଦାୟ ରେଳପଥର ସର୍ବାଧିକ ରାସ୍ତା ବୌଦ୍ଧ ଜିଲ୍ଲା ଦେଇ ଯାଉଥିବାରୁ ପ୍ରକଳ୍ପକୁ ନେଇ ଜିଲ୍ଲାପାଳ ବେଶ ଆଶାବାଦୀ ଅଛନ୍ତି । ସେପଟେ ଏଭଳି ସମୟରେ ତାଳସରଡା ପଞ୍ଚାୟତ ତେନ୍ତୁଳି ପଦର ଗ୍ରାମର ଦୁଇଟି ପରିବାର ଏହି ରେଳ ପ୍ରକଳ୍ପ ଦ୍ବାରା ସମ୍ପୂର୍ଣ୍ଣ ପ୍ରଭାବିତ ହେଉଥିବାବେଳେ ସେମାନଙ୍କୁ ଆଦୌ କୌଣସି ସରକାରୀ ସହାୟତା ମିଳିପାରି ନାହିଁ । ତେଣୁ ଉଭୟ ପରିବାରର ସମସ୍ତ ସଦସ୍ୟ ସୋମବାର ବୌଦ୍ଧ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବା ସହିତ ତାଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ