ବୌଦ୍ଧ: ଜୀବନ ଯୁଦ୍ଧରେ ଏକା ଏକା ଲଢୁଛନ୍ତି ଜଣେ ଅସହାୟ ବୃଦ୍ଧ । ଦିନେ ଦୁଇ ଦିନ କିମ୍ବା ମାସେ ନୁହେଁ, ବର୍ଷ ବର୍ଷ ଧରି ଅନ୍ଧାର ରାତି ଓ ଡହଡହ ଖରାରେ ଶିଝୁଛନ୍ତି । ଏ ଦୃଶ୍ୟ କୌଣସି ଉପାନ୍ତ ଅଞ୍ଚଳର ନୁହେଁ, ବଂର ବୌଦ୍ଧ ଜିଲ୍ଲା ସଦର ମହକୁମା ନୂତନ ଭାବେ ନିର୍ମିତ କୋଭିଡ କେୟାର ସେଣ୍ଟର ନିକଟସ୍ଥ ଜାତୀୟ ରାଜପଥ କଡର ।
ଭୋକର ଜ୍ବାଳାରେ ଯୋଗେଶ୍ବର, କ୍ୟାବିନରେ କଟୁଛି ଜୀବନ
ପ୍ରାୟ ଅଶୀ ବର୍ଷରୁ ଉର୍ଦ୍ଧ୍ବ ଏହି ବୃଦ୍ଧଙ୍କ ନାମ ଯୋଗେଶ୍ବର ବିନ୍ଧାଣିଆ । ଦିନେ ସ୍ତ୍ରୀ, ପୁଅଝିଅ ସମସ୍ତେ ଥିଲେ । କିନ୍ତୁ ସମୟ ଚକ୍ରରେ ପୁଅ ଓ ସ୍ତ୍ରୀ ଆରପାରିକୁ ଚାଲିଗଲେ । ତିନି ଝିଅ ମଧ୍ୟ ନିଜ ନିଜ ଘର ସଂସାର କରି ବାପାକୁ ଭୁଲିଗଲେ । ଏବେ ଅତ୍ୟନ୍ତ ଦୟନୀୟ ଅବସ୍ଥାରେ କାଳ କାଟୁଛନ୍ତି ଯୋଗେଶ୍ବର ।