ବୌଦ୍ଧ: ଉଚିତ ସମ୍ମାନ ଓ ତୀର୍ଥଯାତ୍ରାରେ ସାମିଲ କରାଯାଉ ନଥିବା ନେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଲେ ବରିଷ୍ଠ ନାଗରିକ ।
ବରିଷ୍ଠ ନାଗରିକଙ୍କୁ ତୀର୍ଥ ଭ୍ରମଣ ସୁଯୋଗ ମିଳିବା ଦାବିରେ ବିକ୍ଷୋଭ
ବୌଦ୍ଧର ମନମୁଣ୍ଡା ଥାନା ଅନ୍ତର୍ଗତ ତିନି ନମ୍ବର ଜୋନର ଶତାଧିକ ବରିଷ୍ଠ ନାଗରିକ ମଙ୍ଗଳବାର ବୌଦ୍ଧ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଆସି ତୀର୍ଥ ଭ୍ରମଣରେ ସ୍ଥାନ ମିଳୁନଥିବା ଅଭିଯୋଗ କରି ଧାରଣାରେ ବସିଥିଲେ । କେବଳ ତିନି ନମ୍ବର ଜୋନର ଦୁଇ ଶହ 72 ଜଣ ବରିଷ୍ଠ ନାଗରିକ ଗତବର୍ଷଠାରୁ ସରକାରଙ୍କ ତୀର୍ଥଯାତ୍ରା ଯୋଜନାରେ ଆବେଦନ କରିଥିଲେ ମଧ୍ୟ ଆଜି ପର୍ଯ୍ୟନ୍ତ ସେମାନଙ୍କୁ କୌଣସି ସୂଚନା ଦିଆଯାଉନଥିବା ସେମାନେ ଅଭିଯୋଗ କରିଛନ୍ତି । ଏହାସହ ଏମାନଙ୍କ ମଧ୍ୟରୁ ଅଧିକାଂଶ ବରିଷ୍ଠ ନାଗରିକଙ୍କୁ ପରିଚୟପତ୍ର ମଧ୍ୟ ମନମୁଣ୍ଡା ଥାନା ପକ୍ଷରୁ ଯୋଗାଇ ଦିଆଯାଉ ନଥିବାରୁ ବହୁ ଅସୁବିଧା ସୃଷ୍ଟି ହେଉଛି।