ବୌଦ୍ଧ: ସ୍ବାଧୀନତାର 70 ବର୍ଷ ପରେ ବି ବ୍ଲକ କାର୍ଯ୍ୟାଳୟର କିଛି ଦୂରରେ ଥିବା ଗାଁକୁ ଗମନାଗମନର ଅସୁବିଧା ଯୋଗୁଁ ମୌଳିକ ସୁବିଧାରୁ ବଞ୍ଚିତ ଗ୍ରାମବାସୀ । ଏନେଇ ଗୁହାରି କଲେ ମଧ୍ୟ କୌଣସି ସୁଫଳ ମିଳୁନି । ଗାଁକୁ ସଂଯୋଗ ନିମନ୍ତେ ଆବଶ୍ୟକ ଥିବା ଏକ ସେତୁ ନିମନ୍ତେ ଦୀର୍ଘ ବର୍ଷ ହେଲା ଦାବି ହୋଇଥିଲେ ମଧ୍ୟ କୌଣସି ସୁଫଳ ମିଳୁନାହିଁ ।
ବାହାଲି ଗାଁକୁ ବାହ୍ୟ ଜଗତରୁ ବିଚ୍ଛିନ୍ନ କରୁଛି ଶଗଡିଆ ଝରଣା
ଫଳରେ ଆମ୍ବୁଲାନ୍ସ ସେବା ଠାରୁ ଆରମ୍ଭ କରି ବିଭିନ୍ନ ସରକାରୀ ଯୋଜନା ଗାଁରେ ପହଞ୍ଚିବାରେ ଅହେତୁକ ବିଳମ୍ବ ଘଟୁଛି । ଏହା କୌଣସି ଉପାନ୍ତ ଅଞ୍ଚଳ ନୁହେଁ, ବରଂ ବ୍ଲକ କାର୍ଯ୍ୟାଳୟ ଠାରୁ କିଛି ଦୂରରେ ଅବସ୍ଥିତ ବାହାଲି ଗାଁର ଦୃଶ୍ୟ । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଅନ୍ତର୍ଗତ ବାଣୀଭୂଷଣପୁର ପଞ୍ଚାୟତର ବାହାଲି ଗାଁକୁ ଶଗଡିଆ ନାମକ ଏକ ଛୋଟ ପାହାଡି ଝରଣା ବର୍ଷ ସାରା ବାହ୍ୟ ଜଗତରୁ ବିଚ୍ଛିନ୍ନ କରି ରଖିଥାଏ ।