ବୌଦ୍ଧ: ଜିଲ୍ଲାର ବନ୍ଧାପଥର ଗ୍ରାମରେ ଏକ ୪ ମାସ ଶିଶୁର ଅଣ୍ଟାରେ ବଢୁଥିବା ମାଂସ ପିଣ୍ଡୁଳା ଯୋଗୁଁ ଶିଶୁଟି ନାହିଁ ନଥିବା ଯନ୍ତ୍ରଣାରେ ଛଟପଟ ହେଉଥିଲା । ତେବେ ଏ ସମ୍ପର୍କରେ ଇଟିଭି ଭାରତରେ ଖବର ପ୍ରସାରଣ ପରେ ଶିଶୁଟିର ଚିକିତ୍ସା ପାଇଁ ସହଯୋଗର ହାତ ବଢାଇଛନ୍ତି ଓଲିଉଡ ଚଳଚ୍ଚିତ୍ର ତାରକା ତଥା ସମାଜସେବୀ ସବ୍ୟସାଚୀ ମିଶ୍ର ।
ଇଟିଭି ଭାରତର ପ୍ରଭାବ, ଅସହାୟ ଶିଶୁକୁ ସାହା ହେଲେ ସବ୍ୟ
ସୂଚନା ମୁତାବକ ବୌଦ୍ଧ ଜିଲ୍ଲା ବନ୍ଧାପଥର ଗ୍ରାମର ଏକ ଗରିବ ପରିବାରର ଜନ୍ମିତ 4ମାସର ଶିଶୁର ଅଣ୍ଟା ପାଖରେ ଏକ ମାଂସ ପିଣ୍ଡୁଳା ବୃଦ୍ଧି ପାଉଛି । କିନ୍ତୁ ଏଠାରେ ଅର୍ଥ ବାଧକ ସାଜିଛି । ଶିଶୁର ପିତା ଅତ୍ୟନ୍ତ ଗରିବ ତଥା ଭଲ ଘରଦ୍ବାର ନଥିବାରୁ ମା' ସହିତ ନିଜ ଅଜାଘର ଲୁଣିବାହାଲ ପଞ୍ଚାୟତର କଣ୍ଟିଆପଦରରେ ରହୁଛି ଶିଶୁ । ଅର୍ଥର ଘୋର ଅଭାବ ଯୋଗୁଁ ଏକମାତ୍ର ଶିଶୁଟିର ଚିକିତ୍ସା ପାଇଁ ପରିବାର ଲୋକେ ଅତ୍ୟନ୍ତ ବିକଳ ଭାବରେ ସହାୟତା ଲାଗି ଇଟିଭି ଭାରତ ମାଧ୍ୟମରେ ଅନୁରୋଧ କରିଥିଲେ ।