ବୌଦ୍ଧ: ମହାଷ୍ଟମୀର ମଧ୍ୟ ରାତ୍ରରେ ଘରଲୋକଙ୍କ ଅନୁପସ୍ଥିତିର ସୁଯୋଗ ନେଇ କଳାକନା ବୁଲାଇଲେ ଦୁର୍ବୃତ୍ତ। ବୌଦ୍ଧ ଜିଲ୍ଲାର ପୁରୁଣାକଟକ ଥାନାଠାରୁ ମାତ୍ର କିଛି ମିଟର ଦୂର ଚାରିଛକ ବିଡ଼ିଓଙ୍କ ଗୃହ ସମ୍ମୁଖରେ ତଥା ଷ୍ଟେଟବ୍ୟାଙ୍କ କଡରେ ଗତକାଲି(ବୁଧବାର) ରାତିରେ ଦୁର୍ବୃତ୍ତମାନେ ଜନୈକ ଶିକ୍ଷକଙ୍କ ଘରେ ବ୍ୟାପକ ଲୁଟତରାଜ କରିଥିବା ନେଇ ଥାନାରେ ଅଭିଯୋଗ ହୋଇଛି । ସୂଚନା ମୁତାବକ ଶିକ୍ଷକ ଓ ତାଙ୍କ ପତ୍ନୀ ସ୍ବାସ୍ଥ୍ୟ ସମସ୍ୟା ପାଇଁ ଭୁବନେଶ୍ବର ଯାଇଥିଲେ ।
ମହାଷ୍ଟମୀର ମଧ୍ୟ ରାତ୍ରିରେ ଘରେ ପଶି ଲୁଟ, ଆଇନ ଶୃଙ୍ଖଳା ନେଇ ଉଠିଲା ପ୍ରଶ୍ନବାଚୀ
ସେପଟେ ପୁରୁଣାକଟକ ଭୈରବୀଙ୍କ ପୂଜାରେ ଶାନ୍ତି ଶୃଙ୍ଖଳା ପାଇଁ ପୋଲିସ ବ୍ୟସ୍ତ ଥିବାର ସୁଯୋଗରେ କିଛି ଦୁର୍ବୃତ୍ତ ଶିକ୍ଷକଙ୍କ ଘର ତାଲା ଭାଙ୍ଗି ଘର ଭିତରର ଆଲମୀରାରୁ ଟଙ୍କା, ସୁନା ଗହଣା ସବୁ ଲୁଟି ନେଇଥିବା ନେଇ ଥାନାରେ ଅଭିଯୋଗ ହୋଇଛି । ଦୁର୍ବୃତ୍ତମାନେ ପ୍ରାୟ ତିନି ଲକ୍ଷ ଟଙ୍କା ଲୁଟ କରିଥିବା ନେଇ ଅନୁମାନ କରାଯାଉଛି ।