ଆଶଙ୍କାରେ ବୌଦ୍ଧ ରଥଯାତ୍ରା, ପଦକ୍ଷେପ ପାଇଁ ପ୍ରଶାସନକୁ ଶ୍ରଦ୍ଧାଳୁଙ୍କ ଅନୁରୋଧ

କୋରୋନା କଟକଣା ଯୋଗୁଁ ଆଶା ଓ ଆଶଙ୍କା ମଧ୍ୟରେ ବୌଦ୍ଧର ପ୍ରସିଦ୍ଧ ରଥଯାତ୍ରା । ଏଯାଏଁ ରଥଯାତ୍ରା କିମ୍ବା ରଥ ନିର୍ମାଣ ସମ୍ପର୍କରେ କୌଣସି ପୂର୍ବ ପ୍ରସ୍ତୁତି ବୈଠକ ଅନୁଷ୍ଠିତ ହୋଇନାହିଁ । ଏଦିଗରେ ପଦକ୍ଷେପ ଗ୍ରହଣ କରିବାକୁ ପ୍ରଶାସନକୁ ଅନୁରୋଧ କରିଛନ୍ତି ଶ୍ରଦ୍ଧାଳୁ । ଅଧିକ ପଢନ୍ତୁ...

ବୌଦ୍ଧ: ପୁରୀ ପରେ ଗଡଜାତ ଅମଳରୁ ବୌଦ୍ଧରେ ପାଳିତ ହୋଇଆସୁଛି ରଥଯାତ୍ରା । ବୌଦ୍ଧ ରଥଯାତ୍ରାର ପ୍ରମୁଖ ଆକର୍ଷଣ ଏହାର ସ୍ବତନ୍ତ୍ର ଘୂର୍ଣ୍ଣାୟମାନ ରଥ । ଯାହାକି ସମ୍ପୂର୍ଣ୍ଣ ବିରଳ । ହେଲେ ଚଳିତ ବର୍ଷ କୋରୋନା ମହାମାରୀ ଯୋଗୁଁ ବିଭିନ୍ନ ଧାର୍ମିକ ଅନୁଷ୍ଠାନ ଓ ପୂଜାପର୍ବ ଉପରେ ଲାଗିଛି କଟକଣା । ଏଣୁ କିଭଳି ଓ କେଉଁ ପରିସ୍ଥିତିରେ ଚଳିତ ବର୍ଷ ରଥଯାତ୍ରା ଅନୁଷ୍ଠିତ ହେବ ଏନେଇ ଆଶା ଆଶଙ୍କାରେ ଶ୍ରଦ୍ଧାଳୁ ।

ସେପଟେ ରଥଯାତ୍ରା ସମ୍ପର୍କରେ ଦେବୋତ୍ତର ବିଭାଗ କିମ୍ବା ପ୍ରଶାସନ ପକ୍ଷରୁ ଏଯାଏଁ କୌଣସି ପୂର୍ବ ପ୍ରସ୍ତୁତି ବୈଠକ ଅନୁଷ୍ଠିତ ହୋଇନାହିଁ । ଶ୍ରୀକ୍ଷେତ୍ର ପୁରୀରେ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇସାରିଥିଲେ ମଧ୍ୟ ଏହାର ଅନୁକରଣରେ ଅନୁଷ୍ଠିତ ବୌଦ୍ଧରେ କିନ୍ତୁ ଏଯାଏଁ ରଥ ନିର୍ମାଣ କାମ ଆରମ୍ଭ ହୋଇନାହିଁ । ଏଣୁ ଏଦିଗରେ ଜିଲ୍ଲା ପ୍ରଶାସନ ପଦକ୍ଷେପ ଗ୍ରହଣ କରିବାକୁ ଶ୍ରଦ୍ଧାଳୁ ଅନୁରୋଧ କରିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ