ବୌଦ୍ଧ: ଜିଲ୍ଲାରେ ପ୍ରଥମ ଥର ପାଇଁ ଉଦ୍ଧାର ହେଲା ସବୁଜ ସାପ ବା ବାମ୍ବୋ ପିଟ ଭାଇପର । ଏଭଳି ପ୍ରଜାତିର ସାପ ଉଦ୍ଧାର ଘଟଣା ଜିଲ୍ଲାରେ ପ୍ରଥମ ହୋଇଥିବା ବେଳେ ଗତ ଦୁଇ ମାସ ତଳେ ଜିଲ୍ଲାରୁ ଏକା ସଙ୍ଗେ ତିନି ତିନୋଟି ବିରାଟକାୟ ଅହିରାଜ ସାପ ଉଦ୍ଧାର ସାରା ଓଡ଼ିଶାରେ ଚର୍ଚ୍ଚାର ବିଷୟ ହୋଇଥିଲା ।
ବୌଦ୍ଧରୁ ପ୍ରଥମ ଥର ପାଇଁ ଉଦ୍ଧାର ହେଲା ବିରଳ ସବୁଜ ସାପ ଜିଲ୍ଲାରେ ବିଭିନ୍ନ ବିରଳ ପ୍ରଜାତିର ସାପ ଉଦ୍ଧାର ହେଉଥିବା ବେଳେ ସର୍ପାଘାତରେ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଉଛି । ତେବେ ଆଜି(ସୋମବାର) ପବିତ୍ର ଜନ୍ମାଷ୍ଟମୀ ଦିବସରେ ଏଭଳି ବିରଳ ସାପ ଉଦ୍ଧାରକୁ ନେଇ ଏହା ଶୁଭଙ୍କର ବୋଲି ପ୍ରକାଶ ପାଇଛି । ଜିଲ୍ଲାରେ ସମୁଦାୟ ତିରିଶରୁ ପଚାଶ ପ୍ରଜାତିର ସାପ ଦେଖିବାକୁ ମିଳୁଥିବା ସୂଚନା ମିଳିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
