ବୌଦ୍ଧ: ଜିଲ୍ଲାର ବିଭିନ୍ନ ସ୍ଥାନରେ ଡ୍ରଗ୍ସ ଇନ୍ସପେକ୍ଟରଙ୍କ ଚଢାଉ । ଘଟଣାରେ 2ଟି ଔଷଧ ଦୋକାନରୁ ବ୍ୟାପକ ପରିମାଣର ନକଲି ଔଷଧ ଜବତ ହୋଇଥିବା ସୂଚନା । ରାଜ୍ୟର ବିଭିନ୍ନ ସ୍ଥାନରେ ଏଭଳି ଚଢ଼ାଉ ଜାରି ରହିଥିବା ବେଳେ ବୌଦ୍ଧ ଜିଲ୍ଲାରେ ମଧ୍ୟ ଏହାର ଚେର ଲମ୍ବିଥିବା ଜଣାପଡିଛି । ବୌଦ୍ଧ ଜିଲ୍ଲାର 3ଟି ବ୍ଲକରେ ଦେଢ ଶହରୁ ଉର୍ଦ୍ଧ୍ବ ଔଷଧ ଦୋକାନ ରହିଥିବା ବେଳେ କିଛି ଦୋକାନ ରେ ନକଲି ଔଷଧ କାରବାର ହେଉଥିବା ନେଇ ଚର୍ଚ୍ଚା ହୋଇଆସୁଥିଲା ।
2ଟି ଔଷଧ ଦୋକାନରେ ଚଢାଉ, ବ୍ୟାପକ ନକଲି ଔଷଧ ଜବତ
ତେବେ ସରକାରଙ୍କ ଦ୍ବାରା ପ୍ରତିବନ୍ଧିତ ମୋଦି ଫାର୍ମାର ଏକ ନିର୍ଦ୍ଦିଷ୍ଟ ବିଭାଗର ଔଷଧ କୁନେଇ ସାରା ରାଜ୍ୟରେ ଚଢ଼ାଉ ଜାରି ରହିଥିଲା । ହେଲେ ସୋମବାର ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ମଧ୍ୟ ଏହି ଚଢ଼ାଉ କରାଯାଇଛି । ବାଉଁଶୁଣୀ ମେଡ଼ିକାଲ ସମ୍ମୁଖରେ ଥିବା ମାଆ କ୍ଷେତ୍ର ପାଳିନୀ ଔଷଧ ଦୋକାନରେ ଗତ ଶନିବାର ଓ ସୋମବାର ପଲସାଗୋରା ପଞ୍ଚାୟତ ବଘିଆବାହାଲ ଠାରେ ମେହେର ଔଷଧ ଦୋକାନରେ ଜିଲ୍ଲା ଡ୍ରଗ୍ସ ଇନ୍ସପେକ୍ଟରଙ୍କ ନେତୃତ୍ବରେ ଏକ ସ୍କ୍ବାର୍ଡ ଚଢ଼ାଉ କରିଥିଲେ ।