ବୌଦ୍ଧ: ଜିଲ୍ଲାର ବିଭିନ୍ନ ସ୍ଥାନରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାର୍ଥୀଙ୍କ ପ୍ରଚାର ଅଭିଯାନ ଚାଲିଛି । ଆସନ୍ତା ୧୬ ତାରିଖରେ ପ୍ରଥମ ପର୍ଯ୍ୟାୟରେ କଣ୍ଟାମାଳ ବ୍ଲକର ସମସ୍ତ 24 ଗୋଟି ପଞ୍ଚାୟତରେ ନିର୍ବାଚନ ପାଇଁ ପ୍ରଶାସନ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ତେବେ ଜିଲ୍ଲାର ଉତ୍ତେଜନା ପ୍ରବଣ ମନମୁଣ୍ଡା ଥାନା ଓ କଣ୍ଟାମାଳ ଥାନା ଅଞ୍ଚଳରେ ଦିନକୁ ଦିନ ପ୍ରାକ ନିର୍ବାଚନୀ ହିଂସାକାଣ୍ଡ ବୃଦ୍ଧି ପାଉଛି ।
Panchayat poll : ପାଖଉଛି ନିର୍ବାଚନ ତାରିଖ , ବୃଦ୍ଧି ପାଉଛି ହିଂସା !
ଜିଲ୍ଲା ପୋଲିସ ପକ୍ଷରୁ ଏଭଳି ଉତ୍ତେଜନା ପ୍ରବଣ ବୁଥ ତଥା ସମ୍ବେଦନଶୀଳ ସ୍ଥାନକୁ ଚିହ୍ନଟ କରାଯିବା ସହିତ ବିଭିନ୍ନ ସ୍ଥାନରେ ଫ୍ଲାଗ ମାର୍ଚ୍ଚ କରାଯାଉଛି । ତେବେ ଲମ୍ବସରୀ, ଘିକୁଣ୍ଡି ଭଳି କେତେକ ପଞ୍ଚାୟତରେ ବର୍ତ୍ତମାନ ଦଶରୁ ଊର୍ଦ୍ଧ୍ବ ଭାଇରାଲ ଭିଡିଓରେ ନିର୍ଦ୍ଦିଷ୍ଟ ପ୍ରାର୍ଥୀଙ୍କୁ ଭୋଟ ଦେବାକୁ ବାଧ୍ୟ କରାଯାଉଥିବା ଅଭିଯୋଗ ହୋଇଛି ।