ବୌଦ୍ଧ: ଏବେ ବେଆଇନ ଗଞ୍ଜେଇ ମାଫିଆଙ୍କ ଭୂସ୍ବର୍ଗ ପାଲଟିଛି ବୌଦ୍ଧ ଜିଲ୍ଲା । ଜିଲ୍ଲାର ଭୌଗଳିକ ଅବସ୍ଥିତି ମାଫିଆଙ୍କୁ ସୁହାଉଥିବା ବେଳେ ଜିଲ୍ଲା ପୋଲିସ ଓ ଅବକାରୀ ବିଭାଗ ଗଞ୍ଜେଇ ଚାଷକୁ ନଷ୍ଟ କରିବାରେ ଲାଗିଛନ୍ତି । ଗତ ସପ୍ତାହକ ମଧ୍ୟରେ ଜିଲ୍ଲା ଅବକାରୀ ବିଭାଗ ତିନୋଟି ପୃଥକ ସ୍ଥାନରେ ଚଢ଼ାଉ କରି ସମୁଦାୟ 146 ଏକର ବେଆଇନ ଗଞ୍ଜେଇ ଚାଷକୁ ନଷ୍ଟ କରିଛି ।
ପୃଥକ 146 ଏକର ବେଆଇନ ଗଞ୍ଜେଇ ଚାଷକୁ ନଷ୍ଟ କଲା ଅବକାରୀ ବିଭାଗ
ସେପଟେ ଜିଲ୍ଲା ପୋଲିସ ମଧ୍ୟ ବୌଦ୍ଧ, ମନମୁଣ୍ଡା ଓ କଣ୍ଟାମାଳ ଥାନା ଅଞ୍ଚଳରେ ହୋଇଥିବା ବ୍ୟାପକ ଗଞ୍ଜେଇ ଚାଷକୁ ନଷ୍ଟ କରିଛି । ଗତ ଦୁଇ ଦିନ ପୂର୍ବରୁ ମନମୁଣ୍ଡା ଥାନା ଅନ୍ତର୍ଗତ ସିମିଳିକଟା ଗ୍ରାମ୍ୟ ଜଙ୍ଗଲରେ ଚଢ଼ାଉ କରି 103 ଏକର ବେଆଇନ ଗଞ୍ଜେଇ ଚାଷକୁ ନଷ୍ଟ କରିଥିବା ବେଳେ ସୋମବାର କଣ୍ଟାମାଳ ଥାନା ଅନ୍ତର୍ଗତ ପେନାଯୋର ସଂରକ୍ଷିତ ଜଙ୍ଗଲ ଓ ବେହେରାପଡା,ରେକଡୋଲ ଓ ଡୋଳାବାଲି ଗ୍ରାମ୍ୟ ଜଙ୍ଗଲରେ ଜିଲ୍ଲା ପୋଲିସ ଚଢ଼ାଉ କରି ପ୍ରାୟ95 ଏକର ଜଙ୍ଗଲ ଜମିରୁ ପ୍ରାୟ 19 କୋଟିରୁ ଉର୍ଦ୍ଧ୍ବ ମୂଲ୍ୟର ବେଆଇନ ଗଞ୍ଜେଇ ଚାଷକୁ ନଷ୍ଟ କରିଥିବା ସୂଚନା ମିଳିଛି ।