ଖବର ପ୍ରସାରଣ ପରେ ଦୁଷ୍କର୍ମ ପିଡୀତାଙ୍କ ଏତଲା ଗ୍ରହଣ କଲା ପୋଲିସ

ଇଟିଭି ଭାରତରେ ଖବର ପ୍ରସାରଣ ପରେ ଦୁଷ୍କର୍ମ ପିଡୀତାଙ୍କ ଏତଲା ରେଜିଷ୍ଟ୍ରେସନ କଲା ମନମୁଣ୍ଡା ପୋଲିସ । ଅଧିକ ପଢନ୍ତୁ...

ବୌଦ୍ଧ: ଇଟିଭି ଭାରତରେ ଖବର ପ୍ରସାରଣ ପରେ ଦୁଷ୍କର୍ମ ପିଡୀତାଙ୍କ ଏତଲା ରେଜିଷ୍ଟ୍ରେସନ କଲା ମନମୁଣ୍ଡା ପୋଲିସ । ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଶଗଡା ପଞ୍ଚାୟତର ଜନୈକା ମହିଳା ଘରେ ଏକାକି ଥିବା ସୁଯୋଗରେ ଜଣେ ଦୁର୍ବୃତ୍ତ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଥିଲା । ପିଡିତାଙ୍କ ସ୍ବାମୀ ବାହାରେ କାମ କରୁଥିବା ଯୋଗୁଁ ସେ ଫେରିବା ପରେ ଉଭୟ ସ୍ବାମୀ ସ୍ତ୍ରୀ ମନମୁଣ୍ଡା ଥାନାରେ ଅଭିଯୋଗ କରିଥିଲେ ।

ତେବେ ସେଠାରେ କୌଣସି ନ୍ୟାୟ ନପାଇବାରୁ ଗତକାଲି ପିଡୀତା ବୌଦ୍ଧ ଏସପିଙ୍କ ନିକଟକୁ ନ୍ୟାୟ ଭିକ୍ଷା ପାଇଁ ପହଞ୍ଚି ଥିଲେ । ଏସପିଙ୍କୁ ଭେଟିବାର ସୁଯୋଗ ଦିଆନଯିବାରୁ ପିଡୀତା ଫେରିଯାଇଥିଲେ । ଏ ସମ୍ପର୍କରେ ଇଟିଭି ଭାରତରେ ଖବର ପ୍ରସାରିତ ହେବାପରେ ଆଜି ମନମୁଣ୍ଡା ପୋଲିସ ପିଡୀତା ମହିଳାଙ୍କ ଏତଲା ରେଜିଷ୍ଟ୍ରେସନ କରି ଅଧିକ ତଦନ୍ତ ଆରମ୍ଭ କରିଥିବା ବୌଦ୍ଧ ଏସପି ସୂଚନା ଦେଇଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ