ବୌଦ୍ଧ: ପଞ୍ଚାୟତର ଅସହାୟ ଲୋକଙ୍କ ପାଇଁ ଲକଡାଉନ ସମୟରେ ରନ୍ଧା ଖାଦ୍ୟର ବ୍ୟବସ୍ଥା କରିଛନ୍ତି ସରକାର । ହେଲେ କେତେକ ସ୍ଥାନରେ ଏସବୁ ବ୍ୟବସ୍ଥାରେ ତୃଟି ରହିଯାଉଥିବା ପରିଲକ୍ଷିତ ହେଉଛି । ତେବେ ଖାଦ୍ୟାଭାବ ଯୋଗୁଁ କୌଣସି ଏକ ଅନାଥାଶ୍ରମରେ ରହିବାକୁ ଜିଲ୍ଲାପାଳଙ୍କୁ ଗୁହାରୀ କରିଛନ୍ତି ଜଣେ ଦିବ୍ୟାଙ୍ଗ ।
ମିଳୁନି ରନ୍ଧାଖାଦ୍ୟ, ଅନାଥ ଆଶ୍ରମ ଯିବାକୁ ଗୁହାରୀ କଲେ ଦିବ୍ୟାଙ୍ଗ
ଲକଡାଉନ ସମୟରେ କୌଣସି ଲୋକ ଯେଭଳି ଭୋକରେ ନରହିବେ ସେଥିପାଇଁ ସରକାର ସବୁ ପ୍ରକାର ବ୍ୟବସ୍ଥା କରିଛନ୍ତି । ପଞ୍ଚାୟତ ସ୍ତରରେ ରନ୍ଧା ଖାଦ୍ୟର ବ୍ୟବସ୍ଥା ମଧ୍ୟ ହୋଇଛି, କିନ୍ତୁ କେତେକ ସ୍ଥାନରେ ଉପଯୁକ୍ତ ହିତାଧିକାରୀଙ୍କୁ ଏହି ରନ୍ଧା ଖାଦ୍ୟ ମିଳିପାରୁ ନଥିବା ଅଭିଯୋଗ ହେଉଛି । ବୌଦ୍ଧ ଜିଲ୍ଲା ବଢିଗାଁ ପଞ୍ଚାୟତ ଏଭଳି ଜଣେ ଦୃଷ୍ଟିବାଧିତ ଦିବ୍ୟାଙ୍ଗ ଖାଦ୍ୟାଭାବରୁ କୌଣସି ଏକ ଅନାଥାଶ୍ରମରେ ରହିବାକୁ ଶ୍ରେୟ ମଣି ବୌଦ୍ଧ ଜିଲ୍ଲାପାଳଙ୍କ ନିକଟରେ ପହଞ୍ଚିଥିଲେ ।