ବୌଦ୍ଧ : ଜିିଲ୍ଲାରେ ପାରଦ ବୟାଳିଶ ଡିଗ୍ରୀ ଉପରେ । ଗୋଟିଏ ପଟରେ ଜିଲ୍ଲାର ବିଭିନ୍ନ ଜଙ୍ଗଲ ହୁତୁ ହୁତୁ ହୋଇ ଜଳୁଥିଲା ବେଳେ ଅନ୍ୟପଟରେ ଖାଦ୍ୟର ଅଭାବରୁ ବନ୍ୟପ୍ରାଣୀ ଜନବସତି ମୁହାଁ ହୋଇପଡୁଛନ୍ତି । ବୌଦ୍ଧ ଜିଲ୍ଲାର ସଦର ବନାଞ୍ଚଳର ବୀରନରସିଂପୁର ଅଞ୍ଚଳରେ ଗତ ପ୍ରାୟ ସପ୍ତାହେ ହେଲା ଦୁଇଟି ହାତୀ ଜଙ୍ଗଲ ଅଞ୍ଚଳରୁ ଚାଲିଆସି ବ୍ୟାପକ ଫସଲ ନଷ୍ଟ କରିଥିଲେ ।
ଜନବସତି ମୁହାଁ ହାତୀ ଦମ୍ପତି , ସାଧାରଣ ଲୋକେ ଆତଙ୍କିତ
ଆଜି ପୁଣିଥରେ ଉକ୍ତ ଦନ୍ତା ଓ ମାଈ ହାତୀ ଦୁହେଁ ମହାନଦୀ କୂଳରେ ଥିବା କରଡି ଗ୍ରାମ ନିକଟରେ ପହଞ୍ଚି ଥିବାରୁ ସାଧାରଣ ଲୋକେ ଆତଙ୍କିତ ହୋଇପଡିଛନ୍ତି । ପୁରୁଣା ଜଗନ୍ନାଥ ସଡକରେ ପ୍ରତ୍ୟେକ ଦିନ ହଜାର ହଜାର ଲୋକ ଯାତାୟାତ କରୁଥିବାବେଳେ ହାତୀ ଦୁଇଟିର ଉପସ୍ଥିତି ଯୋଗୁଁ ସମସ୍ତେ ଭୟଭୀତ ହୋଇପଡିଛନ୍ତି । ସେପଟେ ହାତୀ ଦୁଇଟି ପ୍ରଚଣ୍ଡ ଗରମ ଯୋଗୁଁ ନିକଟସ୍ଥ ଏକ ଆମ୍ବ ଲିମ୍ବ ବୁରିରେ ଦିନସାରା ଅଟକି ରହିଥିଲେ ।