ମୂଲ୍ୟବାନ ଗଛକଟାକୁ ନେଇ ବୌଦ୍ଧରେ ତୀବ୍ର ଅସନ୍ତୋଷ

ଉନ୍ନୟନ ନାଁରେ ବଡ ବଡ ଗଛକଟା କୁନେଇ ଅଞ୍ଚଳରେ ତୀବ୍ର ଅସନ୍ତୋଷ ।ଗୋଚର ଜମିରେ ଲାଗିଥିବା ମୂଲ୍ୟବାନ ଶାଗୁଆନ ଗଛକଟା ବର୍ତ୍ତମାନ ପୁରୁଣାକଟକ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।ଅଧିକ ପଢନ୍ତୁ

ବୌଦ୍ଧ: ସର୍ବସାଧାରଣ ତଥା ଗୋଚର ଜମିରେ ଲାଗିଥିବା ମୂଲ୍ୟବାନ ଶାଗୁଆନ ଗଛକଟାକୁ ନେଇ ତୀବ୍ର ଜନ ଅସନ୍ତୋଷ ପ୍ରକାଶ ପାଇଛି । ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣା କଟକର ପ୍ରସ୍ତାବିତ ବସଷ୍ଟାଣ୍ଡ ଅଞ୍ଚଳରେ ଏହି ଘଟଣା ଦେଖିବାକୁ ମିଳିଛି । ସେହି ଅଞ୍ଚଳରେ ଥିବା ଗୋଚର ଜମିରୁ ଗତ ଦୁଇ ଦିନ ତଳେ କେତେକ ଅଜଣା ଲୋକେ ମୂଲ୍ୟବାନ ଶାଗୁଆନ ଗଛ କାଟି ନେଇଥିବା ନେଇ ଅଭିଯୋଗ ହୋଇଛି । ପୁରୁଣାକଟକ ସ୍ଥିତ ମହାବିଦ୍ୟାଳୟ ନିକଟରେ ଥିବା ଏସବୁ ଜମି ଗୋଚର ହୋଇଥିବାବେଳେ ଭବିଷ୍ୟତରେ ଏଠାରେ ବସଷ୍ଟାଣ୍ଡ ପାଇଁ ପ୍ରସ୍ତାବ ରହିଛି ।

କିନ୍ତୁ ଗତ ଦୁଇ ଦିନ ତଳେ କେତେକ ଲୋକେ ଏଠାରୁ ଶାଗୁଆନ ଗଛକାଟି ନେବା ପରେ ସ୍ଥାନୀୟ ଲୋକେ ପୁରୁଣାକଟକ ବନାଞ୍ଚଳ ଅଧିକାରୀଙ୍କଠାରେ ଅଭିଯୋଗ କରିଥିଲେ । ତେବେ ଏସବୁ ଗଛ କିଏ ଓ କାହିଁକି କାଟିଲା ସେନେଇ କୌଣସି ସୂଚନା ନଥିଲେ ମଧ୍ୟ ବନ ବିଭାଗ ଏହାର ତଦନ୍ତ ଆରମ୍ଭ କରିଛି ।ଜିଲ୍ଲାର ବିଭିନ୍ନ ସ୍ଥାନରେ ଏଭଳି ମୂଲ୍ୟବାନ ଗଛ କଟା ବାରମ୍ବାର ଘଟୁଥିବାରୁ ଏନେଇ ପରିବେଶପ୍ରେମୀ ମଧ୍ୟ ଗଭୀର ଉଦବେଗ ପ୍ରକାଶ କରିଛନ୍ତି ।

ଇଟିଭି ଭାରତ, ବୌଦ୍ଧ