ବୌଦ୍ଧ: ଯାତାୟାତକୁ ନେଇ ଦୁର୍ବିସହ ହୋଇପଡିଛି ଗାଁ ଲୋକଙ୍କ ଜୀବନ । ଗାଁକୁ ଭଲ ରାସ୍ତା ଖଣ୍ଡିଏ ନଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଆଉ ଏଥିପାଇଁ ବାରମ୍ବାର ଗୁହାରି କଲେ ମଧ୍ୟ ପ୍ରଶାସନ ଶୁଣୁନି । ଏପଟେ ଗାଁକୁ ସଂଯୋଗ କରୁଥିବା ପୋଲର ଆପ୍ରୋଚ ରୋଡ ଲଗାଣ ବର୍ଷାରେ ଧୋଇ ଯିବାରୁ ସମସ୍ୟା ଆହୁରି ବଢି ଯାଇଛି । ଏ ଦୃଶ୍ୟ ହେଉଛି ବୌଦ୍ଧର ହରଭଙ୍ଗା ବ୍ଲକ ଅଧିନସ୍ଥ ରାଧାନଗର ପଞ୍ଚାୟତର ବାଲିପୁର ଗାଁର।
ଲଗାଣ ବର୍ଷାରେ ଜଗନ୍ନାଥ ସଡକ ପଟରୁ ଗାଁକୁ ସଂଯୋଗ କରୁଥିବା ରାସ୍ତା ଧୋଇ ହୋଇଯାଇଛି । ଫଳରେ ଗ୍ରାମବାସୀ ମିଶି କିଛି ମାଟି ପକାଇ ଯିବାଆସିବା ପାଇଁ ରାସ୍ତା ନିର୍ମାଣ କରିଛନ୍ତି ।
ଭିଡିଓ ସୌଜନ୍ୟ:ପ୍ରତିନିଧି, ବୌଦ୍ଧ