5T ରୂପାନ୍ତକରଣ ବିଦ୍ୟାଳୟରେ ଅବ୍ୟବସ୍ଥା, ତାଲା ପକାଇ ଧାରଣାରେ ଅଭିଭାବକ

5t ବିଦ୍ୟାଳୟରେ ବ୍ୟାପକ ଅନିୟମିତତା ସହ ଶିକ୍ଷା ଦାନ ବ୍ୟବସ୍ଥା ଭୁଷୁଡି ପଡିଥିବା ଅଭିଯୋଗରେ ବୌଦ୍ଧ ଜିଲ୍ଲା ତେଲିବନ୍ଧ ଉଚ୍ଚ ବିଦ୍ୟାଳୟରେ ତାଲା ପକାଇ ଧାରଣାରେ ବସିଲେ ଉତ୍ୟକ୍ତ ଅଭିଭାବକ । ଅଧିକ ପଢନ୍ତୁ

ବୌଦ୍ଧ:ବିଦ୍ୟାଳୟରେ ଚରମ ବିଶୃଙ୍ଖଳା ଅଭିଯୋଗ । 5T ବିଦ୍ୟାଳୟରେ ବ୍ୟାପକ ଅନିୟମିତତା ସହ ଶିକ୍ଷା ଦାନ ବ୍ୟବସ୍ଥା ଭୁଷୁଡି ପଡିଥିବା ଅଭିଯୋଗରେ ବିଦ୍ୟାଳୟରେ ତାଲା ପକାଇ ଧାରଣାରେ ବସିଲେ ଅଭିଭାବକ । ବୌଦ୍ଧ ଜିଲ୍ଲାରୁ ଏଭଳି ଚିତ୍ର ସାମ୍ନାକୁ ଆସିଛି । ସ୍ଥାନୀୟ ତେଲିବନ୍ଧ ଉଚ୍ଚ ବିଦ୍ୟାଳୟରେ ଧାରଣା ବସିଛନ୍ତି ଅଭିଭାବକ ।

ବୌଦ୍ଧ ଜିଲ୍ଲା ତେଲିବନ୍ଧ ଉଚ୍ଚ ବିଦ୍ୟାଳୟ ଗତ ପ୍ରାୟ ଦୁଇ ମାସ ପୂର୍ବେ 5T ଅନ୍ତର୍ଗତ ହୋଇ ଲୋକାର୍ପିତ ହୋଇଥିଲା । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ବିଦ୍ୟାଳୟର ଅନେକ ନିର୍ମାଣ କାର୍ଯ୍ୟ ଅରପନ୍ତରିଆ ହୋଇ ପଡିରହିଛି । ସେହିପରି ବିଦ୍ୟାଳୟରେ ଆବଶ୍ୟକ ସଂଖ୍ୟକ ଶିକ୍ଷକ ନଥିବାରୁ ଶିକ୍ଷା ଦାନ ଠିକରେ ହୋଇ ପାରୁନଥିବା ଅଭିଯୋଗ ହୋଇଛି । ସେପଟେ ବିଦ୍ୟାଳୟର ଜନୈକ ଶିକ୍ଷକ ସ୍କୁଲର ଲକ୍ଷ ଲକ୍ଷ ଟଙ୍କାର ହିସାବ ଦେଉନଥିବା ଅବିଭାବକ ଅଭିଯୋଗ କରିଛନ୍ତି ।

ବର୍ତ୍ତମାନ ପ୍ରଧାନ ଶିକ୍ଷକ ଦାୟିତ୍ୱ ଠିକରେ ତୁଲାଇପାରୁ ନଥିବା ତଥା ଆର୍ଥିକ ଅନିୟମିତତା ତଦନ୍ତ ଦାବିରେ ତେଲିବନ୍ଧ ହାଇସ୍କୁଲରେ ଉତ୍ୟକ୍ତ ଅବିଭାବକମାନେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଛନ୍ତି । ବିଦ୍ୟାଳୟ ପରିଚାଳନା କମିଟି ଅଭିଯୋଗ କରି କହିଛନ୍ତି ଯେ, "ବିଦ୍ୟାଳୟ ନିର୍ମାଣ କାର୍ଯ୍ୟରେ ପ୍ରାୟ ୫ ଲକ୍ଷ ଟଙ୍କା ହେରଫେର ହୋଇଛି । ସ୍କୁଲର ଅବ୍ୟବସ୍ଥା ନେଇ ଆମେ ଜଣାଇଥିଲୁ । ବାରମ୍ବାର ଅଭିଯୋଗ କରିବା ସତ୍ତ୍ବେ ମଧ୍ୟ କେହି କର୍ଣ୍ଣପାତ କରୁନାହାନ୍ତି । ଶିକ୍ଷକର ମଧ୍ୟ ଘୋର ଅଭାବ ଦେଖାଦେଇଛି ।"

ଇଟିଭି ଭାରତ, ବୌଦ୍ଧ