ବୌଦ୍ଧ: ବୌଦ୍ଧ ଜିଲ୍ଲା ସଦର ମହକୁମାରୁ ସଂଲଗ୍ନ ହୋଇଥିବା ହରଭଙ୍ଗା ବ୍ଲକର ପ୍ରଥମ ପଞ୍ଚାୟତ ସରସରା । ତ୍ରୀସ୍ତରୀୟ ନିର୍ବାଚନ ପାଇଁ ଏଠାରେ ରାଜନୀତି ପାଣିପାଗ ଉଷ୍ମ ହେବାରେ ଲାଗିଛି । ଚଳିତ ନିର୍ବାଚନରେ ଏକ କଡା ଟକ୍କର ଦେଖିବାକୁ ମିଳିବ ।
7 ନମ୍ବର ଜିଲ୍ଲା ପରିଷଦ ଜୋନ ଅନ୍ତର୍ଗତ ସରସରା ପଞ୍ଚାୟତର ଅନେକ ଅଧିବାସୀ ସରକାରଙ୍କ କଲ୍ୟାଣକାରୀ ଯୋଜନାରୁ ଆଜି ପର୍ଯ୍ୟନ୍ତ ବାଦ ପଡିଥିବାରୁ ଚଳିତ ନିର୍ବାଚନରେ ଜଣେ ଉପଯୁକ୍ତ ପ୍ରାର୍ଥୀଙ୍କ ସନ୍ଧାନରେ ଅଛନ୍ତି ଗ୍ରାମବାସୀ । ପଞ୍ଚାୟତରେ ଉଭୟ ସରପଞ୍ଚ ପଦ ଓ ସମିତି ସଭ୍ୟ ପାଇଁ 4 ଜଣ ଲେଖାଏଁ ପ୍ରାର୍ଥୀ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇ ଥିବାବେଳେ ଭୋଟର ଉପଯୁକ୍ତ ପ୍ରାର୍ଥୀ ଦେଖି ଭୋଟ ଦେବେ ବୋଲି ମନସ୍ଥ କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ